2 WAZURI 7:7 - Biblia Ilagho Jiboie Kwa Wandu Wose

⁷ Nao wikakimbia na lumisimisi, wikasigha hema rawo, farasi rawo, weke punda wawo, na kula kilambo cherekoghe kambinyi; wikakimbia tu kukira marangi ghawo.

2 WAZURI 7:7 ပူးပေါင်းရင်းမြစ်များ

1 WAZURI 10:29

Werekoghe wikireda kula igare kufuma Misri kwa vibelele va feza maghana arandadu, na farasi kwa ighana na mirongo misanu. Wikaridambisha kwa wazuri wa Wahiti na Wasiria.

1 WAZURI 20:20

Kula umu wawo ukabwagha mndwake. Wasiria wikakimbia na Waisraeli wikawinugha. Ela Ben-hadadi ukafufunuka, ukakimbia kwa farasi chiaimweri na wajoki farasi.

AYUBU 18:11

Wachulwa ni wowa ii chia na ii chia; wakimbirishwa kula andu.

ZABURI 33:17

Kusuwiria wusimi ghuredwagha ni farasi ya wuda ni duu; ikeduaka na ndighi rake nyingi, ndeidimagha kukira.

ZABURI 68:12

“Wazuri na majeshi wiakimbia na iseghe!” Waka wiko mzinyi wiawagha mali riwadilo:

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.

MAKATANISHO 6:5

Kukire sa shaa imkimbiagha mdiwi; sa nyonyi yawadwa ni mdiwi.

ISAYA 2:20

Ituku jija, wandu wicharikumbia fuko na maososi iro fwana rawo ra feza na ra dhahabu, wereribonyereghe wiritase;

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WATANYI 7:21

Kula mundu ukakaia kimusi aeni orekoghe kuimara kambi, na majeshi ghose gha wamaiza ghikakimbia ghikikema.

1 SAMUELI 14:15

Wafilisti werekoghe kambinyi, na awo werekoghe cha shighadinyi na ngomenyi, wikangilwa ni kiture kibaa; hata na awo widwagha wandu wunyika wikaobua, na ndoe ikasughusika; na wandu wose wikangilwa ni wowa m'baa.