2 WAZURI 7:6 - Biblia Ilagho Jiboie Kwa Wandu Wose

⁶ Kwa kukaia BWANA orekoghe wabonya ijeshi ja Wasiria wisikire chwaka ra magare na farasi, na tiri ra ijeshi ibaa; wikaririkanya wei mzuri wa Israeli waakodisha majeshi gha mzuri wa Wahiti na gha mzuri wa Misri, wipate kulwa nawo.

2 WAZURI 7:6 ပူးပေါင်းရင်းမြစ်များ

2 SAMUELI 10:6

Nao iji Waamoni wawona kukaia wamvavira Daudi, wikakodesha Wasiria wa Beth-rehobu, na Wasiria wa Soba, masikari gheghenda na maghu elfu mirongo iwi, na mzuri wa Maaka ukacha na masikari elfu imweri, na wandu wa Tobu elfu ikumi na iwi.

2 SAMUELI 5:24

Na iji kwasikira tiri ra wandu wicheriagha miforosadinyi naighu, niko aho kukufungishe ndighi kufume kulo nawo, kwa kukaia BWANA wakiria imbiri kwako kukaba majeshi gha Wafilisti.”

1 WAZURI 10:29

Werekoghe wikireda kula igare kufuma Misri kwa vibelele va feza maghana arandadu, na farasi kwa ighana na mirongo misanu. Wikaridambisha kwa wazuri wa Wahiti na Wasiria.

1 WAZURI 20:20

Kula umu wawo ukabwagha mndwake. Wasiria wikakimbia na Waisraeli wikawinugha. Ela Ben-hadadi ukafufunuka, ukakimbia kwa farasi chiaimweri na wajoki farasi.

2 WAZURI 19:7

Ola nichamngiria roho esikira malagho gha ighu-ighu, hata ghim'bonye ukimbie na kuwuya cha isangenyi jake; nao uchabwaghwa kwa lufu ahoeni isangenyi jake.’”

2 WAZURI 7:5

Nao iji ndoe yaswa, wikafuma na lumisimisi, wikaghenda cha kambinyi ya Wasiria. Ela iji werevikieghe kutuonyi kwa kambi, ndewerewonieghe mndungi aho.

AYUBU 15:21

Wadasikiragha chwaka reobosha, na ngelo ugheshagha oko nicha, uchachelwa ni viting'a.

ZABURI 14:5

Wichakaia na kiture kibaa aho, angu Mlungu wadakanya na wandu wa hachi.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 36:9

Mchadima wada kummbinga hata uo m'baa wa agho majeshi ghedu gha ndonyi, ikakaia muakusaghika na Wamisri wimneke magare na wajoki farasi?

JEREMIA 46:21

Hata na masikari ghake ghekodeshwa ghiko aghadi kwake gheeka sa ngache ribandie, ee, waghalukie, wikakimbia; ndewidimie kumanga, kwa kukaia wavikilwa ni ituku jawo ja wasi, ni ngelo ya kukabwa kwawo.

EZEKIELI 1:24

Hata iji rerekoghe rikighenda, neresikireghe lwaka lwa mawawa ghawo sa lwaka lwa machi mengi, sa lukuwa lwa Uo Uwadie Ndighi Rose; ndoghoi yaro sa lwaka lwa ijeshi. Ngelo rakaia kimusi, rikakucha mawawa ghawo.

EZEKIELI 10:5

Lwaka lwa mawawa gha makerubi loresikiroghe hata waza ya shighadi, sa lwaka lwa Mlungu Uo-Uwadie-Ndighi-Rose ingelo wakadeda.

WUFUNUO 9:9

Rerekoghe na makoko ghiko sa ngao ra laghenyi ra chuma, na lwaka lwa mawawa ghawo, lorekoghe sa lwa magare gha farasi righendagha wudenyi.

WATANYI 7:21

Kula mundu ukakaia kimusi aeni orekoghe kuimara kambi, na majeshi ghose gha wamaiza ghikakimbia ghikikema.

1 SAMUELI 14:15

Wafilisti werekoghe kambinyi, na awo werekoghe cha shighadinyi na ngomenyi, wikangilwa ni kiture kibaa; hata na awo widwagha wandu wunyika wikaobua, na ndoe ikasughusika; na wandu wose wikangilwa ni wowa m'baa.

1 SAMUELI 26:6

Nao Daudi ukamkotia Ahimeleki, Mhiti, na Abishai mruna Joabu mwana wa Seruia, “Nani useanyagha nani cha kambinyi kwa Sauli?” Abishai ukaghamba, “Ini niseanya na oho.”