2 WAZURI 7:4 - Biblia Ilagho Jiboie Kwa Wandu Wose

⁴ Dikaghamba wei dingie cha mzinyi, njala eeka ebwagha; na dikakaia ahaeni, ni kifwa cheni. Da si baa dighende cha kambinyi ya Wasiria; wikadifuya wughoma, dichakaia moyo; wikadibwagha, kose ni kufwa.”

2 WAZURI 7:4 ပူးပေါင်းရင်းမြစ်များ

2 SAMUELI 14:14

Angu isi diwose dichafwa, nesi deefwanana na machi ghimerie kudilwa ghisedimagha kushoika; ela Mlungu ndeinjagha irangi ja mundu, ela wadapima ukilola maghesho ghemmbunja uja mundu uleghelo useduo kula nao.

2 WAZURI 6:24

Konyuma Ben-hadadi mzuri wa Siria ukakwanya ijeshi jake jose, ukajoka na kughurughaia muzi ghwa Samaria.

2 WAZURI 7:5

Nao iji ndoe yaswa, wikafuma na lumisimisi, wikaghenda cha kambinyi ya Wasiria. Ela iji werevikieghe kutuonyi kwa kambi, ndewerewonieghe mndungi aho.

1 MALAGHO GHA NGELO 12:19

Wandu wamu wa Manase werekimbirieghe cha kwa Daudi ingelo orechanyeghe na Wafilisti kulwa na Sauli. Elaima nderewiteserieghe; angu wazuri wa Wafilisti wereobueghe kewada Daudi wadima kuwifunya cha kwa bwana wake wa kala Sauli, niko wikamsigha uwuye cha Siklagi.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

JONA 3:9

Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,