2 WAZURI 7:3 - Biblia Ilagho Jiboie Kwa Wandu Wose

³ Korekoghe na wandu wa sima bana mbengenyi ya muzi ghwa Samaria. Wikazerana weni na weni, “Kwaki wele difuyagha andu kumweri?

2 WAZURI 7:3 ပူးပေါင်းရင်းမြစ်များ

2 WAZURI 5:1

M'baa wa majeshi gha mzuri wa Siria, uwangwaghwa Naamani, orekoghe m'baa unekelo ishima na kukundwa ni mzuri, angu nuo oretumiloghe ni BWANA kuwiredia Wasiria wusimi; orekoghe mundu m'baa uwadie ndighi, ela orekoghe na sima.

2 WAZURI 7:4

Dikaghamba wei dingie cha mzinyi, njala eeka ebwagha; na dikakaia ahaeni, ni kifwa cheni. Da si baa dighende cha kambinyi ya Wasiria; wikadifuya wughoma, dichakaia moyo; wikadibwagha, kose ni kufwa.”

2 WAZURI 8:4

Ukamkua mzuri ukidedanya na Gehazi uja mdumiki wa Elisha; kwa kukaia orekundieghe kumanya iro maza mbaa ribonyero ni Elisha.

JEREMIA 27:13

Kwaki mfwagha chiaimweri na wandu wenyu kwa wuda, na kwa njala, na kwa saka izamie? Nechi huwo niko koni BWANA ughorie aighu ya iyo mbari ichaalegha kumdumikia mzuri wa Babuloni.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

MITALO 12:10

Hata iji ijo iwingu jainjwa aighu ya Hema, Miriamu ukawoneka wawadwa ni sima, nao ukakaia wachokwa cho sa theluji. Hata iji Haruni wamgalukia Miriamu, ukammbona wawadwa ni sima.

MITALO 12:14

Ela BWANA ukamzera Musa, “Huwo ngera ndee odemchuya mada gha meso-lee, ndakaiagha na waya ghwake matuku mfungade anguwada? Ndefunyo kambinyi cha shighadi, ukaie matuku mfungade ima uwunjo.”