2 WAZURI 7:16 - Biblia Ilagho Jiboie Kwa Wandu Wose

¹⁶ Nao wandu wa Samaria wikafuma na kuwada kambi ra Wasiria; kwa huwo kilo idadu ra mufu ghudendere ghukauzwa kwa bei ya kibelele chimweri cha feza; na kilo irandadu ra mufu ghwa shairi, ghukauzwa kwa bei ya kibelele chimweri cha feza; karakara na ilagho ja BWANA.

2 WAZURI 7:16 ပူးပေါင်းရင်းမြစ်များ

2 WAZURI 7:1

Elisha ukatumbulia, “Ola sikira ilagho ja BWANA: Kesho ngelo sa ii cheni, kilo idadu ra mufu ghudendere ghuchauzwa kwa bei ya kibelele chimweri cha feza, na kilo irandadu ra mufu ghwa shairi ghuchauzwa kwa bei ya kibelele chimweri cha feza, ahoeni mbengenyi ya Samaria.”

2 WAZURI 7:15

Waja wandu wikawinugha Wasiria hata Jordani; nao ola wikakua achienyi kose nguwo radeghwa chiaimweri na vilambo ingelo Wasiria werekoghe wikikimbia. Waja wandu wikawuya na kumghoria mzuri.

2 MALAGHO GHA NGELO 20:25

Jehoshafati na wandu wake wiendacha kuwada vilambo, wikakua ng'ombe kwa wungi, vilambo, nguwo, na vilambo va zoghori mbaa; wikaviduka hata wikalemwa. Vilambo verekoghe vingi nandighi, wikaviduka kwa matuku adadu.

ZABURI 68:12

“Wazuri na majeshi wiakimbia na iseghe!” Waka wiko mzinyi wiawagha mali riwadilo:

ZABURI 68:13

fwana ra mbughi rishingilo feza na chuya ring'alaa-ng'ala dhahabu ielie; (kwaki wamu wenyu morekaiagha aghadi ya maranu gha ng'ondi ituku ja wuda?)

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 33:23

Kamba rawo ra meli nderimange; nderidimagha kuwadia mlingoti ghwa meli nicha. Aho niko dichadwa wunyika na kuwagha mali nyingi, hata mkelemeri ndechaasowa.

ISAYA 33:4

Mali rawo rawadwa seji shimandu riwadwagha, wandu wichariwada seji zighe riwadwagha.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

1 SAMUELI 17:53

Waisraeli wikawuya kufuma kuwiwinga Wafilisti, wikawada kambi yawo.