2 WAZURI 5:9 - Biblia Ilagho Jiboie Kwa Wandu Wose

⁹ Naamani ukaghenda na farasi rake, na magare ghake ukakaia kimusi mnyangonyi ghwa nyumba ya Elisha.

2 WAZURI 5:9 ပူးပေါင်းရင်းမြစ်များ

2 WAZURI 3:12

Mzuri Jehoshafati ukaghamba, “Uo oko na ilagho ja BWANA.” Niko mzuri wa Israeli, na Mzuri Jehoshafati, na mzuri wa Edomu, wikasea cha kwa Elisha.

2 WAZURI 5:10

Elisha ukamdumia mundu umzere, “Ghenda kukuoghoshe andenyi ya moda ghwa Jordani mando mfungade, na oho kuchaboa putu.”

2 WAZURI 5:8

Nao iji mlodi Elisha wasikira kukaia mzuri wa Israeli warashua nguwo rake, ukikambwa ni chongo, ukamdumia momu ukighamba, “Kwaki kwakambwa ni chongo? Mleke uche kwapo idana, nao uchamanya kukaia oko mlodi Israeli.”

2 WAZURI 6:32

Elisha orekoghe kidombo nyumbenyi kwake, chiaimweri na wabaa wamu. Na mzuri orekoghe waduma mundu ukirie; ela mundu uja imbiri usevikie, Elisha ukawizera waja wabaa, “Uja m'bawaghi waduma mundu unidumbuo chongo. Olenyi ukavika aha, mrughe mnyango msemlekerie ungie; mzuri moni hoyo waawuyamnugha nanyuma.”

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’