2 WAZURI 5:1 - Biblia Ilagho Jiboie Kwa Wandu Wose

¹ M'baa wa majeshi gha mzuri wa Siria, uwangwaghwa Naamani, orekoghe m'baa unekelo ishima na kukundwa ni mzuri, angu nuo oretumiloghe ni BWANA kuwiredia Wasiria wusimi; orekoghe mundu m'baa uwadie ndighi, ela orekoghe na sima.

2 WAZURI 5:1 ပူးပေါင်းရင်းမြစ်များ

2 SAMUELI 3:29

Bagha iyo ndeikaie aighu ya Joabu na nyumba ya ndee; sena kivalwa cha Joabu chisesowe mundu owadwa ni kishonono kwa kala na kala, angu uko na sima, angu oghenda na midi, angu obwaghwa kwa lufu, angu osowa vindo!”

2 WAZURI 4:8

Ituku jimu Elisha oreghendieghe Shunemu, andu muka umu mzuri wa mali orekoghe; uja muka ukamkaribisha uche uje vindo. Kufuma ngelo iyo, Elisha ukakaia ukingia aho uje vindo.

2 WAZURI 5:2

Ngelo Wasiria weredwaeghe wandu wunyika andenyi ya wuda ghumu, weremdwaeghe mwai umu mtini kufuma isanga ja Israeli; ukakaia ukimdumikia mka Naamani.

2 WAZURI 5:27

Ola sima ya Naamani ichakuwada oho na kivalwa chako kwa kala na kala.” Nao Gehazi ukafuma imbiri ya Elisha wameria kuwadwa ni sima ielie sa thaluji.

2 WAZURI 7:3

Korekoghe na wandu wa sima bana mbengenyi ya muzi ghwa Samaria. Wikazerana weni na weni, “Kwaki wele difuyagha andu kumweri?

ESTA 10:3

Uo Mordekai Myahudi orekoghe wa kawi kwa Mzuri Ahasuero kunughana na daraja orenekeloghe. Nao orekundiloghe na kunekwa ishima ni Wayahudi, kwa kukaia orewibonyereghe nicha, na kuwiwika andenyi ya wulindiri ghwa loli.

ESTA 9:4

Mordekai ukamanyika andu kose isangenyi seji ubonyero kukaia mundu m'baa ngomenyi kwa mzuri, na seji nguma rake rawuyachurikia.

KUFUMA 11:3

BWANA ukawibonya Waisraeli wirumirikie mesonyi kwa Wamisri. Na wokoni uo mundu Musa orekoghe m'baa na ndighi andenyi ya isanga ja Misri, kwa wadumiki wa Farao, hata kwa wandu wori.

MAKATANISHO 21:31

Farasi yadawikwa nicha kwa wundu ghwa ituku ja wuda, ela wusimi ni ghwa BWANA.

LUKA 4:27

Sena korekoghe na wandu wa sima wengi Israeli matuku gha mlodi Elisha, hata ndekuwadie ungi wawo oreelesheroghe, ela Naamani Msiria.”

JOHANE 19:11

Jesu ukamzera, “Oho ndakwakaiagha na nguma ringi aighu yapo ngera kuserenekeloghe ni Mlungu. Kwa wundu ughu, uo wanireda kwako nuo uko na kaung'a mbaa kuchumba.”

WAROMA 15:18

Angu sidimagha kudeda ilagho jingi izima, ela ijo jeni Kristo ujibonyere ukinitumia, ja kuwibonya wandu wa mbari zima wimsikire Mlungu. Nao orebonyereghe huwo kwa madedo na kwa mabonyo wori;

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

WUKUMBUSO 2:37

Andu koni diserekusoghodereghe kaavui ni isanga ja Waamoni jiko mbai-mbai ya moda ghwa Jaboki kose, na mizi ya isanga ja mghondinyi, na andu kuzima kose BWANA Mlungu odu oredikanieghe diseghende.