2 WAZURI 4:8 - Biblia Ilagho Jiboie Kwa Wandu Wose

⁸ Ituku jimu Elisha oreghendieghe Shunemu, andu muka umu mzuri wa mali orekoghe; uja muka ukamkaribisha uche uje vindo. Kufuma ngelo iyo, Elisha ukakaia ukingia aho uje vindo.

2 WAZURI 4:8 ပူးပေါင်းရင်းမြစ်များ

KUZOYA 19:3

Ela ukawishingira kwa kufunga ndighi wighaluke wingie nyumbenyi kwake. Nawo wikaghaluka na kungia nyumbenyi, ukawibonyera karamu ya mikate isewadie chachu, nawo wikaja.

2 SAMUELI 19:32

Barzilai orekoghe mghosi nandighi wa miaka mirongo wunyanya; nao orekoghe wamneka mzuri vindo iji orekoghe aja Mahanaimu; angu orekoghe mzuri m'baa wa mali.

1 WAZURI 1:3

Wikalola mwai ughokie isangenyi jose ja Israeli; wikampata Abishagi Mshunami, wikamreda kwa mzuri.

2 WAZURI 4:18

Uja mwana uendazoghua, ituku jimu ngelo ya makuwido, ukamnugha ndee cha mbuwenyi ukwanye na wandu wekuwida.

AYUBU 1:3

Orekoghe na ng'ondi elfu mfungade, ngamila elfu idadu, ng'ombe elfu imweri, weke punda wa waka maghana masanu, na wadumiki wengi nandighi; huwo uo mundu orekoghe mzuri wa mali kuchumba wandu wose wa mashariki.

AYUBU 32:9

Si kukaia wa kala kuredagha hikima, hata si kughosia kuredagha kutambukilwa ni ijo jiko icha anduangi.

MAKATANISHO 7:21

Ukamshingira na malagho mengi ghesesea-sesea, ukimfungisha ndighi na malagho ghake ghisingie.

MATHAYO 25:17

Na uja orewusireghe iwi, ukafuma wokoni ukashama talanto zima iwi.

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

LUKA 14:23

Uja bwana ukamzera mdumiki wake, ‘Ghenda chia ra matano na manonyi yose, kuwishingire wandu kucha, nyumba yapo ipate kuchua.

LUKA 24:29

ela awo wikamshingira wikighamba, “Kaia andwamweri nesi angu ndoe yaswa na kira chaawuyasea.” Nao ukangia kukaia andwamweri nawo.

MABONYO GHA WADUMI 16:15

Nao uendabaputizwa andwamweri na wandu wa nyumbenyi kwake, ukadivoya ukighamba, “Ngera mwaniwona kukaia mloli kwa Bwana, choonyi mkaie nyumbenyi kwapo.” Ukadishingira na ndighi.

JOSHUA 19:18

Isanga jake jerekoghe ni Jezreeli, Kesulothi, Shunemu,

WATANYI 19:20

Niko uja mghosi ukaghamba, “Kaienyi na sere, ndemchaalala wazenyi kungi; nichamlindia na kumkatishira haja renyu rose.”

1 SAMUELI 28:4

Wafilisti wikakwanyika na kubonya kambi aja Shunemu. Sauli nao ukawikwanya Waisraeli wose na kubonya kambi aja Gilboa.