2 WAZURI 4:1 - Biblia Ilagho Jiboie Kwa Wandu Wose

¹ Muka umu wa kipughi cha walodi ukacha kwa Elisha ukamzera, “Mdumiki wako mumi wapo wafue; na oho kwaichi kukaia uo orekoghe muoboi Mlungu. Ela idana, mndumu oremlawiagha wacha, nao ookunda kuwusa wana wapo wawi wa womi wiwuye wazumba wake.”

2 WAZURI 4:1 ပူးပေါင်းရင်းမြစ်များ

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

1 WAZURI 18:3

Ahabu ukammbanga Obadia, uo orekoghe mzighaniri wa nyumba yake, (Obadia orekoghe mtasi m'baa wa Mlungu;

1 WAZURI 20:35

Nao mndumu wa kipughi cha walodi ukamzera mmbao umu kwa momu ghwa BWANA, “Nakulomba kunikabe.” Ela uja mmbao ukalegha kumkaba.

2 WAZURI 2:15

Kipughi cha walodi awo werekoghe Jeriko wiendammbona ukiruwuka cha kwawo, wikaghamba, “Roho wa Elija wamkaria Elisha.” Wikacha kummara; wikaghoghoma imbiri kwake hata andonyi,

2 WAZURI 2:3

Nao kipughi cha walodi, awo werekoghe Betheli, wikacha kwa Elisha wikamzera, “Keni kwamanya angu idime iji BWANA uchamuinja bwana wako kwako?” Elisha ukaghamba, “Ee namanya, nyamenyi kima.”

2 WAZURI 2:5

Kipughi cha walodi awo werekoghe Jeriko wikasoghoda kaavui na Elisha wikamzera, “Keni kwamanya angu idime iji BWANA uchamuinja bwana wako kwako?” Elisha ukaghamba, “Ee namanya, nyamenyi kima.”

2 WAZURI 2:7

Wikanughwa ni kipughi cha walodi mirongo misanu, wikakaia kimusi kakula kufuma kwawo ingelo werekaieghe kimusi aho Jordani.

2 WAZURI 4:38

Elisha ukawuya sena Gilgali, na ngelo iyo korekoghe na njala isangenyi. Hata iji kipughi cha walodi wereserieghe kidombo imbiri kwake, ukamzera mdumiki wake, “Wikiria nyungu mbaa modonyi kudekie kipughi cha walodi supu.”

2 WAZURI 6:9

Ela mlodi Elisha orekoghe ukimmanyisha mzuri wa Israeli, ukighamba, “Kukulindie kusemarie ija chia, kwa kukaia Wasiria waawuyaseria aho.”

NEHEMIA 10:31

Waghenyi wikareda viro angu kilambo chingi chediuzira ituku ja Sabato angu ituku jielie jingi izima; ndedivighuagha kufuma kwawo. Kula mwaka ghwa mfungade, dichasigha mbuwa rihore, na kuleka sile rose.

NEHEMIA 7:2

Ngawika wandu wawi wikaie wazighaniri wa muzi ghwa Jerusalemu. Wandu awa ni mwanedu Hanani na Hanania m'baa wa ngome. Hanania orekoghe mundu osuwirilwa na mwoboi Mlungu kuchumba wengi.

ZABURI 103:11

Sa iji mawingunyi kuko ighu kufuma ndoenyi, huwo koni lukundo lwake ni lubaa kwa awo wimuobuagha.

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ZABURI 115:13

Uchawirasimia awa wimuobuagha BWANA, watini na wabaa wori.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

MAKATANISHO 22:7

Wazuri wa mali wadawibonyera nguma wakiwa; mkopi ni mzumba wa mkopeshi.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

JEREMIA 34:14

‘Kula mwaka ghwa mfungade, kula umu onyu suti umsighe Muebrania oreuziroghe kwake ukaie huru nyuma ya kudumika miaka irandadu; suti umsighe huru usemdumikie.’ Ela weke ndeyo ndewerenisikireghe hata kunideghia madu.

WALAWI 25:48

ukameria kughulwa, wadima kukombolwa ni mruna ungi wake,

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 18:25

Ela uja mdumiki nderekoghe na kilambo chingi chemlipa anduangi; kwa huwo bwana wake ukafunya momu uo mdumiki uuzo, na mkake, na wana wake, chiaimweri na vilambo vake vose orekoghe navo upate kuilipa ija sile.

MATHAYO 18:30

Ela ukamleghia, ukaghenda na kumngira kifungonyi hata wameria kuilipa ija sile.

MATHAYO 18:35

Ni huwo koni Aba uko mlungunyi ndechaamleka inyo, ngera mselekanagha mmbeni na mmbeni kwa ngolo renyu rose.”

MABONYO GHA WADUMI 13:26

“Wanidu, wana wa kichuku cha Abrahamu, nenyo mmbose mumuobuagha Mlungu; ilagho iji ja kukia jederedwa kodu.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 19:5

Lukacha lwaka kufuma kifumbinyi cha nguma lukighamba, “Mkasenyi Mlungu odu inyo wadumiki wake, inyo mmbose mumuobuagha watini na wabaa.”

RUTHU 1:3

Ela Elimeleki mumi wa Naomi ukafwa, Naomi ukasighwa uekeri na wana wake wawi.

1 SAMUELI 22:2

Kula mundu orekoghe na wasi, na uo orekoghe na sile, hata awo wiserekatoghe; wose wikamghendia, na kukukwanya nao, sa wandu maghana ana; nao moni ukakaia kilongozi wawo.