2 WAZURI 3:3 - Biblia Ilagho Jiboie Kwa Wandu Wose

³ Elaima sena orewadaneghe na kaung'a ra Jeroboamu mwana wa Nebati, kwa iro, orewishekerieghe Israeli kungia kaung'enyi, hata nderekutengieghe naro anduangi.

2 WAZURI 3:3 ပူးပေါင်းရင်းမြစ်များ

1 WAZURI 13:33

Hata nyuma ya huwo saki, Mzuri Jeroboamu nderesighieghe wuwiwi ghwake, ela ukachuria kuwika wakohani andu kotasira mighondinyi icho kisha kufuma kwa wandu wa ndonyi. Mundu uo ose orekundeghe wukohani, Jeroboamu wadammbika ukaie mkohani wa andu kotasira mighondinyi.

1 WAZURI 14:16

BWANA uchaisigha Israeli putu kwa wundu ghwa kaung'a ribonyero ni Jeroboamu, na kuwishekeria wandu wa Israeli wibonye kaung'a.”

1 WAZURI 14:9

Ela oho kwabonyere mawiwi kuchumba agho ghose gherebonyeroghe ni wazuri werekoghe imbiri kwako. Kwakubonyere kumoni milungu mizima na fwana rechana; kukanilegha kwa kuwusira machu ghapo.

1 WAZURI 15:26

Ukabonya mawiwi imbiri ya BWANA, ukinugha chia ra ndee, na kaung'a rake iro rerewishekerieghe Waisraeli kubonya kaung'a.

1 WAZURI 15:34

Ukabonya mawiwi imbiri ya BWANA kwa kunugha kaung'a ra Jeroboamu, uo orewishekerieghe wandu wa Israeli kubonya kaung'a.

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

2 WAZURI 13:11

Nao moni wori ukabonya mawiwi imbiri ya BWANA, hata nderetaneghe na kaung'a ra Jeroboamu mwana wa Nebati, kwa iro orewishekerieghe Waisraeli kungia kaung'enyi, ela ukachuria kuribonya.

2 WAZURI 13:2

Ukabonya mawiwi imbiri ya BWANA kara kara na kaung'a ra Jeroboamu mwana wa Nebati, kwa iro orewishekerieghe Israeli kubonya kaung'a; hata uo moni nderekuwikieghe kula naro anduangi.

2 WAZURI 13:6

Elaima sena ndewerekutanyireghe na kaung'a ra nyumba ya Jeroboamu, iro orewishekerieghe Waisraeli kungia kaung'enyi; wikachuria kukaia andenyi yaro. Hata ndewereinjireghe ija fwana ya mlungu ghwa waka Ashera aja Samaria.)

2 WAZURI 14:24

Ukabonya mawiwi imbiri ya BWANA, hata nderetaneghe na kaung'a ra Jeroboamu mwana wa Nebati, kwa iro. Orewisherekieghe Israeli kungia kaung'enyi.

2 WAZURI 15:18

Ukabonya mawiwi imbiri ya BWANA, hata kwa irangi jake jose nderetaneghe na kaung'a ra Jeroboamu mwana wa Nebati, kwa iro, orewishekerieghe Israeli kungia kaung'enyi.

2 WAZURI 15:9

Ukabonya mawiwi imbiri ya BWANA karakara na weke ndee; hata nderekutanyireghe na kaung'a ra Jeroboamu mwana wa Nebati, kwa iro orewishekerieghe Israeli kungia kaung'enyi.

2 WAZURI 17:21

Ngelo BWANA orewitanyireghe Israeli na nyumba ya Daudi, Waisraeli werem'bonyereghe Jeroboamu mwana wa Nebati ukaie mzuri wawo. Jeroboamu ukawilaghasha Israeli wisemnughe BWANA, ukawishekeria kungia kaung'a mbaa.

2 WAZURI 17:22

Na wandu wa Israeli wikanugha kaung'a rose rerebonyeroghe ni Jeroboamu kuseko na kuinjikia ingi;

2 WAZURI 17:23

hata BWANA ukameria kuwiinja Israeli usewiwoneghe sa iji koni orewighorieghe kwa memu ya wadumiki wake walodi. Niko Waisraeli wikakaia wibarishiro isangenyi jawo hata idime.

2 WAZURI 21:16

Aighu ya agho, Manase orebwaghieghe wandu wengi wisewadie makosa ghangi, hata chia ra Jerusalemu rikachulwa ni bagha ii chia na ii chia; kula na iro kaung'a, orewishekerieghe wandu wa Juda kungia kaung'enyi na kubonya mawiwi imbiri yapo.

2 WAZURI 23:15

Sena Mzuri Josia ukakunona aja andu kotasira milimu mighondinyi koreaghiloghe Betheli ni Jeroboamu mwana wa Nebati, uo orewishekerieghe Waisraeli kungia kaung'enyi; ukainona hata madhabahu yake wori, na kubara-bara magho gharo hata ghikawuya teri; ukakora fwana ya ghuja mlungu ghwa waka Ashera.