2 WAZURI 24:7 - Biblia Ilagho Jiboie Kwa Wandu Wose

⁷ Mzuri wa Misri nderefumieghe sena isangenyi kwake, kwa kukaia mzuri wa Babuloni orekoghe wawada masanga ghose gherewadiloghe ni mzuri wa Misri, kufuma mpaka ghwa kaskazinyi ghwa Misri hata Moda ghwa Eufrate.

2 WAZURI 24:7 ပူးပေါင်းရင်းမြစ်များ

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

1 WAZURI 4:21

Solomoni ukabonya nguma aighu ya mawuzuri ghose; kufuma Moda ghwa Eufrate hata isanga ja Wafilisti na mpakenyi ghwa Misri. Wandu wikamredia kodi na kumdumikia irangi jake jose.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

JEREMIA 46:2

Aighu ya Misri: Malagho gha ijeshi ja Mzuri Neko mzuri wa Misri, ijo jerekoghe aho Moda ghwa Eufrate, aho Karkemishi, ima jikasimwagha ni Nebukadnezari mzuri wa Babuloni mwaka ghwa kana ghwa Jehoiakimu mwana wa Josia mzuri wa Juda, ghighambagha,

JEREMIA 46:6

Awo wiwadie iseghe wialemwa ni kukimbia, na masikari ghawo ndeghidimagha kufufunuka. Wakuwa wikaghwa cha kaskazinyi aho kaavui na Moda ghwa Eufrate.

EZEKIELI 30:21

“Mwana wa mdamu, namerie kuchikanya mkonu ghwa mzuri wa Misri; nagho hoghu ndeghufungilo wei ghuboo, na kupata ndighi relwa wuda sena.

EZEKIELI 30:22

Kwa huwo ini Bwana MLUNGU naghamba huwu, Nichalwa na mzuri wa Misri, hata nichikanye mikonu yake, ugho ghuko na ndighi chiaimweri na ghuja ghorechikieghe, na lufu lwake luchapotoka.

MITALO 34:5

ghukaghaluka kufuma Azmoni ghuvike kamoda ka Misri na kutua Bahari ya Mediterania.

JOSHUA 15:4

ghukaendelia hata Azmoni, ghukanugha moda ghuko mpakenyi ghwa Misri hata Bahari ya Mediterania andu mpaka ghusiriagha. Ugho ni mpaka ghuko cha kusinyi ghwa Juda.