2 WAZURI 22:3 - Biblia Ilagho Jiboie Kwa Wandu Wose

³ Mwaka ghwa ikumi na wunyanya ghwa kubonya nguma kwa Josia, ukaduma karani Shafani mwana wa Azalia, wawae Meshulamu, ughende Hekalunyi ya BWANA ughambe,

2 WAZURI 22:3 ပူးပေါင်းရင်းမြစ်များ

2 WAZURI 12:10

Wikawona kukaia pesa rakaia ndazi sandukunyi, muandiki wa mzuri na Mkohani M'baa wadaacha na kuriwudua, wipate kuritala iro pesa rawoneka andenyi ya nyumba ya BWANA, na kurikumba vikuchunyi.

2 WAZURI 23:23

ela mwaka ghwa ikumi na wunyanya ghwa kubonya nguma kwa Josia, niko Pasaka iyo erebonyeroghe Jerusalemu.

JEREMIA 1:2

BWANA oreghorieghe na Jeremia mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda.

JEREMIA 36:10

Niko Baruku ukaghishoma agho malagho neremghorieghe kufuma chuonyi uko andenyi ya Hekalu, wandu wose wikisikira, ukaghishoma uko andenyi ya chumba cha muandiki Gemaria, mwana wa Shafani cherekoghe waza ya ighu, aho andu kongiria Mbenge Mbishi ya Hekalu ya BWANA.

JEREMIA 36:11

Mikaia mwana wa Gemaria, wawae Shafani uendasikira agho malagho ghose gha BWANA ghishomelo kufuma chuonyi,

JEREMIA 36:12

ukasea cha ngomenyi ya mzuri na kungia chumbenyi cha muandiki; na wabaa wose werekoghe kidombo aho. Nawo ni muandiki Elishama, Delaia mwana wa Shemaia, Elnathani mwana wa Akbori, Gemaria mwana wa Shafani, Zedekia mwana wa Hanania, na wabaa wose.