2 WAZURI 21:3 - Biblia Ilagho Jiboie Kwa Wandu Wose

³ Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

2 WAZURI 21:3 ပူးပေါင်းရင်းမြစ်များ

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

1 WAZURI 18:26

Nao wikawada ija njau werenekeloghe, wikaiboisa; wikamlomba Baali hata dime ghadi wikighamba, “Ee Baali, kuditumbulie.” Ela ndekorekoghe na lwaka, hata mndungi nderetumbulieghe anduangi. Wikaramarama mbai mbai ya iyo madhabahu wereibonyereghe.

2 WAZURI 13:6

Elaima sena ndewerekutanyireghe na kaung'a ra nyumba ya Jeroboamu, iro orewishekerieghe Waisraeli kungia kaung'enyi; wikachuria kukaia andenyi yaro. Hata ndewereinjireghe ija fwana ya mlungu ghwa waka Ashera aja Samaria.)

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

2 WAZURI 18:22

Nako mkanizera, “Daawuyakusaghika kwa BWANA Mlungu odu,” welee, suo moni Hezekia uvuchue andu kwake kotasira mghondinyi na ukizera wandu wa Juda na Jerusalemu, “Mchatasa BWANA imbiri ya madhabahu ihi Jerusalemu?”

2 WAZURI 18:4

Ukainja andu kose kotasira mighondinyi, na kuchikanya nguro retasira milimu na fwana ra mlungu ghwa waka Ashera. Hata ija choka ya shaba erebonyeroghe ni Musa ukaibara vipande-vipande; kwa kukaia hata matuku ghaja, wandu wa Israeli werekoghe wikiifukiria ija fwana ya choka marumba, na kuiwanga Nehushtani.

2 WAZURI 8:18

Ukalowua mwai wa Ahabu, na kwa wundu ugho ukabonya mawiwi imbiri ya BWANA kwa kunugha mighendo ya wazuri wa Israeli, karakara na Ahabu.

2 WAZURI 8:27

Nao moni wori orebonyereghe mawiwi mesonyi kwa BWANA kara kara na Ahabu, angu orekoghe mlamu wa kinyumba cha Ahabu.

2 MALAGHO GHA NGELO 32:12

U Hezekia suo moni uinjire andu kwa BWANA kotasira na madhabahu rake, na kuwilaghira wandu wa Juda na Jerusalemu witase imbiri ya madhabahu imweri na kukora vizongona vawo ahoeni?

2 MALAGHO GHA NGELO 34:3

Mwaka ghwa wunyanya ghwa kubonya nguma kwake, orezoeghe kumlola Mlungu wa ndee Daudi uko mwana wokoni; na mwaka ghwa ikumi na iwi, ukazoya kuielesha Juda na Jerusalemu kwa kuinja andu kotasira mighondinyi, na fwana ra mlungu ghwa waka Ashera, na fwana rewacha na rechana.

AYUBU 31:26

Jingi sitasire iruwa kwa wundu ghwa kung'ala-ng'ala kwake, hata mori kwa wundu ghwa kughoka kwake.

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

JEREMIA 7:30

“Wandu wa Juda wabonyere ilagho jizamie imbiri kwapo, wawikie milimu yawo andenyi ya Hekalu iwangilo kwa irina japo wipate kuinona.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

WUKUMBUSO 16:21

“Msewe mudi ghungi ghotasira mlungu ghwa waka Ashera mbai na mbai ya madhabahu ya BWANA Mlungu onyu;

WUKUMBUSO 17:2

“Mndungi ukawoneka aghadi konyu ubonyagha mawiwi imbiri ya BWANA Mlungu onyu kwa kunona ilaghano jake andenyi ya imu ya mizi yenyu iyo BWANA Mlungu umnekagha, ukaiagha wa womi angu wa waka,

WUKUMBUSO 17:3

nao ughende uidumikie milungu mizima na kuitasa, angu kutasa iruwa angu mori na nyerinyeri, malagho nighikanie;

WUKUMBUSO 20:18

eri wisechemfundisha mizango yawo izamie iyo wiibonyagha wikitasa milungu yawo mchem'bonyera BWANA Mlungu onyu kaung'a.

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.