2 WAZURI 2:6 - Biblia Ilagho Jiboie Kwa Wandu Wose

⁶ Elija ukamzera, “Nakulomba kukaie aha kwa kukaia BWANA waniduma nighende Jordani.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Wikachuria kughenda imbiri wose wawi.

2 WAZURI 2:6 ပူးပေါင်းရင်းမြစ်များ

KUZOYA 22:6

Nao Abrahamu ukariwada rija mbande rekora kizongona, ukamdukishira mwana wake Isaaka; na uo moni ukadwa modo na ndagha. Nawo wikaghenda chienyi,

KUZOYA 22:8

Nao Abrahamu ukamtumbulia, “Mlungu moni uchafunya mwana wa ng'ondi wa icho kizongona mwanwapo.” Nawo wikachuria kughenda chiaimweri.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

2 WAZURI 4:30

Uja mae mwana ukamzera Elisha, “Naghema kwa Mlungu uko moyo, na kwa oho, kukaia, sichaakusigha anduangi.” Nao Elisha ukawuka ukamnugha.

JOSHUA 3:15

Awo wakohani wereidukieghe Sanduku wiendawadia machi gha Jordani, (na moda ghwa Jordani ghwadachua machi ghidike na kusalama ngelo yose ya makuwido),

JOSHUA 3:8

Na oho kuchawilaghira wakohani awo widukagha Sanduku ya Ilaghano, angu wikavika mbai na mbai ya moda ghwa Jordani, wimange kimusi.”

RUTHU 1:16

Ela Ruthu ukatumbulia, “Kusesindenishingira wei nikusighe angu wei niseghendanye na oho, kwa kukaia andu kuchaaghenda oho, na ini nichaghenda; na andu kuchaakaia, niko koni nichaakaia; wandu wako wichawuya wandu wapo, na Mlungu wako uchawuya Mlungu wapo;

1 SAMUELI 1:26

Nao Hana ukaghamba, “Ee bwana wapo, sa iji koni kukaiagha moyo bwana wapo, ini ne uja muka nerekaieghe kimusi aha imbiri kwako ngimlomba BWANA;

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”