2 WAZURI 2:4 - Biblia Ilagho Jiboie Kwa Wandu Wose

⁴ Elija ukamzera Elisha, “Idana nakulomba kukaie aha, kwa kukaia BWANA waniduma nighende Jeriko.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Niko wikasea cha Jeriko.

2 WAZURI 2:4 ပူးပေါင်းရင်းမြစ်များ

1 WAZURI 16:34

Matuku gha Mzuri Ahabu, Hieli wa isanga ja Betheli oreaghieghe sena muzi ghwa Jeriko. Na seji BWANA oremlaghirieghe Joshua mwana wa Nuni, Hieli uendaagha msingi ghwa ugho muzi, mwana wake wa imbiri Abiramu ukafwa. Sena uendaagha mbenge ra ugho muzi, mwana wake wa kutua ukafwa.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

2 WAZURI 4:30

Uja mae mwana ukamzera Elisha, “Naghema kwa Mlungu uko moyo, na kwa oho, kukaia, sichaakusigha anduangi.” Nao Elisha ukawuka ukamnugha.

LUKA 19:1

Jesu ukangia Jeriko, nao orekoghe ukiida.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

JOSHUA 6:1

Mbenge ra muzi ghwa Jeriko rederughwa cha nandenyi na cha shighadi wori, kwa wundu ghwa kuwiobua wandu wa Israeli. Mndungi nderefumieghe shighadi hata mndungi nderengirieghe andenyi ya muzi anduangi.

JOSHUA 6:26

Ngelo iyo, Joshua ukawighemesha wandu ukighamba, “Kula mundu uchaatima kuagha ughu muzi ghwa Jeriko, ndewado ni njowe ra Mlungu. Uo ose uchaagha msingi ghwaro, uchafuilwa ni mwana wake wa imbiri wa womi; Na uo uchaagha mbenge raro, uchafuilwa ni mwana wake wa womi mtini.”

RUTHU 1:16

Ela Ruthu ukatumbulia, “Kusesindenishingira wei nikusighe angu wei niseghendanye na oho, kwa kukaia andu kuchaaghenda oho, na ini nichaghenda; na andu kuchaakaia, niko koni nichaakaia; wandu wako wichawuya wandu wapo, na Mlungu wako uchawuya Mlungu wapo;

1 SAMUELI 1:26

Nao Hana ukaghamba, “Ee bwana wapo, sa iji koni kukaiagha moyo bwana wapo, ini ne uja muka nerekaieghe kimusi aha imbiri kwako ngimlomba BWANA;