2 WAZURI 18:4 - Biblia Ilagho Jiboie Kwa Wandu Wose

⁴ Ukainja andu kose kotasira mighondinyi, na kuchikanya nguro retasira milimu na fwana ra mlungu ghwa waka Ashera. Hata ija choka ya shaba erebonyeroghe ni Musa ukaibara vipande-vipande; kwa kukaia hata matuku ghaja, wandu wa Israeli werekoghe wikiifukiria ija fwana ya choka marumba, na kuiwanga Nehushtani.

2 WAZURI 18:4 ပူးပေါင်းရင်းမြစ်များ

1 WAZURI 22:43

Jehoshafati ukabonya sa ndee Asa, ukibonya agho ghim'boiagha BWANA kuseko kughaluka, ela ndereinjireghe andu kotasira mighondinyi; wandu wikakaia wikifunya vizongona na kufukira marumba aho.

2 WAZURI 10:26

wikafunya iro nguro ra hekalu ya Baali na kurikora.

2 WAZURI 11:18

Niko wandu wikangia andenyi ya hekalu ya Baali, wikaichikanya, na kunona-nona madhabahu na milimu; wikam'bwagha uja mkohani wa Baali Matani naimbiri ya iro madhabahu. Jehoiada ukawika walindiri welindia Hekalu kwa mazughe.

2 WAZURI 12:3

Elaima sena aho mighondinyi andu kotasira milimu ndekorenoneloghe, wandu wikakaia wikibwagha vizongona na kufukira marumba aho.

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

2 WAZURI 15:35

Elaima ndereinjireghe aja andu kotasira wikakaia mighondinyi; wandu wikakaia wikifunyira vizongona na kufukira marumba mghondinyi.

2 WAZURI 15:4

Ela sena andu kotasira milimu mighondinyi na kufunya vizongona, na kufukiria marumba ndekoreinjiroghe anduangi.

2 WAZURI 16:15

Nao Mzuri Ahazia ukamlaghira mkohani Uria ukighamba, “Aighu ya iyo madhabahu mbaa, kufunyeghe vizongona vekora va nakesho, na vizongona va nakenyi, na kizongona cha mzuri chekora na icho cha viro, chiaimweri na kizongona chekora cha wandu wose wa isangenyi, na kizongona chawo cha viro, na icho chenywa; sena kudunge aighu ya iyo madhabahu bagha yose ya kizongona chekora, bagha yose ya kizongona. Ela iyo madhabahu ya shaba ichakaia tu kwa wundu ghwapo nikotieghe malagho aho.”

2 WAZURI 18:22

Nako mkanizera, “Daawuyakusaghika kwa BWANA Mlungu odu,” welee, suo moni Hezekia uvuchue andu kwake kotasira mghondinyi na ukizera wandu wa Juda na Jerusalemu, “Mchatasa BWANA imbiri ya madhabahu ihi Jerusalemu?”

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

2 WAZURI 23:14

Mzuri Josia ukarichikanya rija nguro ra magho vipande vipande, na kubara ghuja mlungu ghwa waka Ashera; ukachura wulalo ghwaro na maindi gha wandu.

2 WAZURI 23:4

Niko Mzuri Josia ukamlaghira Mkohani M'baa Hilkia, na wakohani watini wake, na walindiri wa mbenge ya Hekalu, wifunye vilambo vose vingirilo Hekalunyi kwa wundu ghotasa Baali, na ghuja mlungu ghwa waka Ashera, na nyerinyeri; ukavikora shighadi ya Jerusalemu vololonyi ya Kidroni, na kudwa ivu jaro cha Betheli.

2 MALAGHO GHA NGELO 19:3

Elaima sena wucha ghumu ghwawonekie kwako, angu kunonie fwana ra mlungu ghwa waka Ashera isangenyi, na kwawuyamlola Mlungu kwa ngolo.”

2 MALAGHO GHA NGELO 31:1

Nao iji Ndima yasia, wandu wose wa Israeli werekoghe aho, wikaghenda mizinyi ya Juda, wikachikanya nguro retasa vipande vipande, na kuinja fwana ra ghuja mlungu ghwa waka Ashera, na kunona andu kotasira mighondinyi, na madhabahu riko andenyi ya isanga ja Juda, na Benjamini, na Efraimu, na Manase, hata wikaritotesha rose. Niko wandu wose wa Israeli wikawuya mizinyi kwawo kula mundu andu kwake.

2 MALAGHO GHA NGELO 33:3

Oreaghieghe sena andu kotasira mighondinyi, aho ndee Hezekia orekuvuchueghe; ukawiaghia weke Baali, ukabonya fwana ra mlungu ghwa waka Ashera, ukajitasa ijeshi jose ja mlungunyi, na kujidumikia.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

KUFUMA 34:13

Ela mfuchuo madhabahu rawo, na kuchikanya nguro rawo retasa, na kuchikanya fwana ra milungu yawo ya waka Ashera.

ISAYA 36:7

“Nako mkanizera wei mwaawuyakusaghika na BWANA onyu, welee, suo moni andu kwake kotasira mghondinyi na madhabahu rake rerechikanyiroghe ni Hezekia ukiwizera wandu wa Juda na wa Jerusalemu, kukaia wichatasa kwa madhabahu ihi?

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

WUKUMBUSO 5:5

Nerekaieghe ghadi na ghadi ya BWANA na inyo ngelo iyo, nipate kumghoria malagho ghake, angu inyo moreobueghe ghuja modo, hata ndemorejokieghe mghondinyi anduangi. BWANA ukaghamba,

WUKUMBUSO 7:5

Ela mchawibonyera huwu: mchavuchua madhabahu rawo, na kurichikanya nguro raro, na kudema fwana ra mlungu ghwawo ghwa waka Ashera, na kurikora fwana rawo riwachilo.

WATANYI 6:25

Kio chija BWANA ukamzera Gideoni, “Wada njau ya ndeyo, ija njau ya kawi ya miaka mfungade, nao kuichikanye iyo madhabahu ya ndeyo oremuaghieghe Baali, na ghuja mlungu ghwa waka Ashera ghuko na mbai ya iyo madhabahu.

WATANYI 6:28

Nao iji wandu wa muzi werewukieghe nakesho wikawona madhabahu ya Baali imerie kuchikanywa chiaimweri na ghuja mlungu ghwa waka Ashera ghorekoghe na mbai ya iyo madhabahu, na wokoni ija njau ya kawi imerie kufunywa kizongona aighu ya iyo madhabahu ereaghiloghe.