2 WAZURI 17:9 - Biblia Ilagho Jiboie Kwa Wandu Wose

⁹ Wandu wa Israeli wikabonya kwa kiviso malagho ghisem'boiagha BWANA Mlungu wawo; wikakuaghia weni andu kotasira milimu aighu mighondinyi andenyi ya mizi yawo yose, kufuma mnarenyi gholindia hata muzi ghuko na ngome.

2 WAZURI 17:9 ပူးပေါင်းရင်းမြစ်များ

2 WAZURI 18:8

Ukawikaba Wafilisti hata isanga jose ja Gaza; kufuma mnara gholindia hata ngomenyi ra muzi.

AYUBU 31:27

Ndeviniririe ngolonyi kwapo, hata kususugha mkonu ghwapo ngivitasa.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ISAYA 29:15

Ni bugha kwa awo wimvisagha BWANA njama rawo, awo wiwikie mabonyo ghawo andenyi kivisonyi, na kukotia, “Nani udiwonagha? Na nani udimanyagha?”

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 8:12

Niko Mlungu ukanizera, “Mwana wa mdamu, kwawona seji awaghosi wa wandu wa Israeli wawuyabonya akirenyi? Kula umu wawo waawuyatasa mlimu ghwake achumbenyi ukighamba, ‘BWANA ndewuediwona, BWANA wamerie kusigha iji isanga.’”

HOSEA 12:11

Sena milimu yaawuyataswa aho Gileadi, na awo wiitasagha wichafwa. Njau raawuyabwaghwa rikaie vizongona aho Gilgali, na madhabahu rawo wori richanoneka putu.”

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WUKUMBUSO 27:15

“‘Mundu ukabonya fwana ewacha angu echana, nacho ni kilambo chibonyero ni mikonu kwa wuya ghwa mundu, na kuwikwa kivisonyi, uwado ni njowe; iro ni maza rimzamiagha BWANA.’ Na wandu wose widikie, ‘Amen.’

WUKUMBUSO 29:25

Na wandu wichatumbulia, ‘Ni angu wandu waro werejisighieghe ilaghano ja BWANA, Mlungu wa weke ndee, ijo orebonyereghe nawo iji orewiredieghe kufuma isanga ja Misri.