2 WAZURI 17:3 - Biblia Ilagho Jiboie Kwa Wandu Wose

³ Shalmaneseri mzuri wa Ashuru ukajoka kulwa nao, na Hoshea ukakufunya kwake, ukakaia ukimlipa kodi.

2 WAZURI 17:3 ပူးပေါင်းရင်းမြစ်များ

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

2 SAMUELI 8:6

Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

2 WAZURI 15:19

Niko Pulu mzuri wa Ashuru ukajikaba isanga ja Israeli, na Menahemu ukamneka Pulu talanto elfu imweri ra feza eri umtesie kumangisha wuzuri ghwake.

2 WAZURI 15:20

Menahemu orepatireghe pesa iri rose kwa kuwishingira wandu wiko na mali isangenyi kwake, wifunye vibelele va feza mirongo misanu kula umu, wimneke mzuri wa Ashuru. Aho niko mzuri wa Ashuru ukaghaluka na kusigha kusumbua ijo isanga.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 17:2

Ukabonya mawiwi imbiri ya BWANA ela si sa wazuri wa imbiri wa Israeli anduangi.

2 WAZURI 17:4

Ela mzuri wa Ashuru ukawona kukaia Hoshea orekoghe na sheshe; kwa kukaia orekoghe waduma wandu kwa So mzuri wa Misri, hata nderelipieghe kodi kwa mzuri wa Ashuru seji orekoghe ukibonya mwaka-mwaka. Kwa huwo mzuri wa Ashuru ukammbwada na kumngira kifungonyi.

2 WAZURI 18:31

Msemsikire Hezekia; kwa kukaia mzuri wa Ashuru wamzera huwu, ‘Bonyenyi sere nani mkufunye, niko kula umu onyu uchaaja mzabibu ghwake na mtini ghwake, na kunywa machi kufuma mtunginyi ghwake;

2 WAZURI 18:7

Na BWANA ukakaia nao andu kose oreghendieghe ukawona nicha; ukamlegha mzuri wa Ashuru, hata nderekuwikieghe aisi yake anduangi.

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

ISAYA 17:4

BWANA ukaghamba, “Ngelo ichacha na wubaa ghwa Israeli ghuchasia, na wuzuri ghwake ghwa mali ghuchawuya wukiwa.

ISAYA 8:8

Nawo wichangia na kuwiinja wandu wa Juda, seji machi ghichuagha na kudika-dika ii chia na ii chia, ghikidwa vilambo vose.” Mlungu oko andwamweri nesi.

EZEKIELI 23:5

“Ohola ukazoya kubonya wumalaya dikwanye; ukachulwa ni bea nyingi na wakundwa wake Waashuru;

HOSEA 10:14

Kwa huwo izungu ja wandu wa wuda jichacha aighu ya wandu wenyu, na ngome renyu rose richanonwa. Ichakaia seji Mzuri Shelmani orenonieghe muzi ghwa Beth-abeli ngelo ra wuda; weke mao na wana wawo wikabwaghwa.

HOSEA 10:4

Wadaaja malagho gha duu na kubonya maghemi gha tee na malaghiro ghisefwane. Hachi kwawo yawurie kusowa hachi, ikizoghua sa isaka ja sumu jibukie andenyi ya mbuwa.

HOSEA 8:10

Ela idana nichawikwanya chiaimweri nipate kuwikaba. Wichawoka kudaruma kwa kukorongwa ni mzuri wa Ashuru.

WALAWI 26:25

Nichamredia wuda nipate kulipia kisasi kwa wundu ghochikanya ilaghano; hata mkakukwanya chiaimweri kukulindia andenyi ya mizi yenyu, nichamredia makongo ghiserighitikagha, hata mdime mwakufunya kwa wamaiza wenyu.