2 WAZURI 17:11 - Biblia Ilagho Jiboie Kwa Wandu Wose

¹¹ Wikafukira marumba aighu ya kula andu kotasira milimu mighondinyi kara kara na iro mbari BWANA oreriwingieghe imbiri kwawo; wikabonya malagho ghizamie na kumvavira BWANA hata ukabonya machu.

2 WAZURI 17:11 ပူးပေါင်းရင်းမြစ်များ

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

2 MALAGHO GHA NGELO 28:25

Ukabonya andu kotasira mighondinyi andenyi ya kula muzi ghwa Juda; kufukiria milungu mizima marumba, na kum'bonya BWANA uo Mlungu wa weke ndee ujoko ni machu.

2 WAZURI 21:6

Ukamfunya mwana wake ukaie kizongona chekora, ukakufundisha kulaghua na kurighita na kulomba njama kwa wandu wa pepo na wasawi; ukam'bonyera BWANA kaung'a na kum'bonya ujoko ni machu.

1 WAZURI 13:1

Nao mlodi ukasea kufuma Juda wadumwa ni Mlungu kughenda Betheli. Ukamkua Jeroboamu uko kimusi madhabahunyi ufukire marumba.

WUKUMBUSO 12:2

Mnone andu kose kotasira milungu kwa awo wandu mchaawisoka isanga; aighu ya mighondi iko ighu, na mighondi mitini, na aisi ya kula mudi ghuko na malemba mawishi.

2 WAZURI 17:10

Werekuaghieghe nguro ra magho retasira milimu, na kuwika fwana ra mlungu ghwa waka Ashera aighu ya kula mghondi m'baa, na aisi ya kiju cha kula mudi m'baa ghukambie.

2 WAZURI 17:12

Wikaitasa milimu icheni BWANA orewizerieghe, “Msakeitasa.”

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

WUKUMBUSO 18:9

“Iji mwangia isangenyi ijo BWANA Mlungu onyu umnekagha, msenughe mizango izamie ya iro mbari.

WUKUMBUSO 32:16

Kutasa milimu kwawo korem'bonyereghe kuwadwa ni iriso, mabonyo ghawo ghizamie ghikamjosa machu.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.

1 WAZURI 14:15

BWANA uchaikaba Israeli, nayo ichasughusika sa mrangi ghusukwaa-sukwa ni mbeo amachinyi. Uchawiinja wandu wa Israeli wifume ijo isanga jiboie orewinekagha weke wawae, na kuwisasara noko kimonu cha Moda ghwa Eufrate; kwa kukaia wawusirie machu ghake kwa kubonya fwana ra mlungu ghwa waka Ashera.

2 WAZURI 12:4

Joashi ukawizera wakohani, “Pesa rose ra vilambo va wueli rifunywagha andenyi ya Hekalu, na ifungu ja kula mundu jipangilo jemfunyira BWANA, na agho wandu wifunyagha kwa ngolo, riredo andenyi ya Hekalu;

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.