2 WAZURI 14:3 - Biblia Ilagho Jiboie Kwa Wandu Wose

³ Ukabonya agho gherekoghe mecha imbiri ya BWANA; nderebonyereghe karakara na ndee Daudi kungi, ela odebonya kara kara na ndee Joashi.

2 WAZURI 14:3 ပူးပေါင်းရင်းမြစ်များ

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

1 WAZURI 15:11

Asa ukabonya malagho gha hachi imbiri ya BWANA kara kara na wawae wa madafu Daudi.

1 WAZURI 15:3

Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

2 WAZURI 12:2

Joashi ukabonya mecha mesonyi kwa BWANA matuku ghake ghose, kwa kukaia orefundishiroghe nicha ni mkohani Jehoiada.

2 WAZURI 14:2

Orekoghe mundu wa irika ja miaka mirongo iwi na misanu ngelo orezoyagha kubonya nguma; nao ukabonya nguma Jerusalemu kwa miaka mirongo iwi na ikenda. Mae orewangwagha Jehoadini wa Jerusalemu.

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

2 WAZURI 18:3

Ukabonya mecha imbiri ya BWANA karakara na ndee Daudi.

2 WAZURI 22:2

Ukabonya malagho mecha imbiri ya BWANA, na kubonya seji ndee Daudi orebonyereghe; hata nderesighieghe kumnugha anduangi.

2 MALAGHO GHA NGELO 24:17

Nao nyuma ya kifwa cha Jehoiada, wabaa wa Juda wikacha na kumghoghomia mzuri uwisikire, nao ukawisikira.

2 MALAGHO GHA NGELO 24:2

Joashi ukabonya ghose ghim'boiagha BWANA matuku ghose gha mkohani Jehoiada.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,