2 WAZURI 13:4 - Biblia Ilagho Jiboie Kwa Wandu Wose

⁴ Niko Jehoahazi ukamlomba BWANA, na BWANA ukamsikira; angu orewonieghe seji mzuri wa Siria orewikorongieghe Waisraeli.

2 WAZURI 13:4 ပူးပေါင်းရင်းမြစ်များ

KUZOYA 21:17

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko.

KUZOYA 31:42

Ngera Mlungu wa aba, Mlungu wa Abrahamu, na Mlungu wa Isaaka umuobuagha nderekaieghe luwaru lwapo, kumangu loli kwanighalishire mikonu miduu. Mlungu wawonie wasi ghwapo na wudumiki ghwapo, niyo sababu ukacha ukakukemia ikwau.”

2 WAZURI 13:22

Hazaeli mzuri wa Siria ukawikoronga Waisraeli matuku ghose gha Jehoahazi.

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

2 WAZURI 14:26

BWANA orekoghe wawona kutirirwa kwa Israeli seji kwakaia kubaa, kwa kukaia ndekoresigharikieghe mndungi useko na wasi ukaiagha mzumba angu mkitina; hata ndekorekoghe na mndungi owitesia Israeli anduangi.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

EZRA 8:23

Kwa huwo, dikafunga tumu, na kumlomba Mlungu udilindie, nao ukasikira kuvoya kodu.

AYUBU 22:27

Kuchamlomba nao uchakusikira, na oho kuchakatisha maghemi ghako.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 78:34

Iji orewibwaghieghe wamu, awo weresigharikieghe wikahea na kumlola Mlungu kwa loli.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

KUFUMA 3:9

Na idana, ola kililo cha wandu wa Israeli chamerie kunivikia, nani namerie kuwona seji Wamisri wiwikorongagha.

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

MITALO 21:7

Wandu wikacha kwa Musa na kughamba, “Dabonyere kaung'a angu didedie kiwiwi aighu ya BWANA na aighu kwako wori; dilombie kwa BWANA upate kudiinjira iri choka.” Niko Musa ukawilombia wandu.

WATANYI 10:10

Niko wandu wa Israeli wikamkemia BWANA wikighamba, “Dabonyere kaung'a imbiri kwako, kwa kukaia dakusighie oho Mlungu odu na kudumikia weke Baali.”