2 WAZURI 11:4 - Biblia Ilagho Jiboie Kwa Wandu Wose

⁴ Ela andenyi ya mwaka ghwa mfungade, Jehoiada mkohani ukaduma wabaa wa Wakari wiche, na wabaa wa walindiri, ukawidwa hata wikavika andenyi ya Hekalu. Ukabonya nawo ilaghano kwa ighemi kunughana na mpango ughubonyere aighu ya mwana wa Mzuri Ahazi, uo Joashi; ukawiwonyera uo mwana wa mzuri.

2 WAZURI 11:4 ပူးပေါင်းရင်းမြစ်များ

KUZOYA 50:25

Josefu ukawighemesha wana wa Israeli ukighamba, “Iji Mlungu wamchea na kumfunya isanga iji, mchaghidwa maindi ghapo wori ghifume isanga iji.”

2 SAMUELI 20:23

Joabu orekoghe m'baa wa majeshi ghose gha Israeli; na Benaia mwana wa Jehoiada orekoghe m'baa wa Wakerethi na Wapelethi;

2 SAMUELI 8:18

na Beraia mwana wa Jehoiada ukakaia aighu ya Wakerethi na Wapelethi; na wana wa Daudi wikakaia wakohani.

1 WAZURI 14:27

Mzuri Rehoboamu ukabonya ngao ra shaba wulalo ghwaro. Ukariwika rilindiloghe ni Wabaa wa walindiri, awo werelindiagha mbenge ya ngome ya mzuri.

1 WAZURI 18:10

Naghema kwa BWANA Mlungu wako uko moyo kukaia, Mzuri Ahabu ndesighie kukulola kula isanga na kula wuzuri; hata wikaghamba kukaia ndewikuwonie, suti umghemeshe mzuri wa jija isanga kukaia ndewikuwonie.

2 WAZURI 11:17

Niko mkohani Jehoiada ukabonya ilaghano aghadi ya BWANA na mzuri Joashi, na wandu kukaia wichakufunya wikaie wa BWANA, sena ukabonya wandu wibonye ilaghano na mzuri.

2 WAZURI 11:19

Niko ukafuma chiaimweri na wabaa wa majeshi, na wabaa wa Wakari, na walindiri, na wandu wose; wikamlongoza mzuri kufuma Hekalunyi, wikammarishira Mbengenyi ya Walindiri hata ngomenyi ya mzuri. Ukasea kidombo aighu ya kifumbi chake cha nguma icho chiserelwagha ni wazuri.

2 WAZURI 11:3

Ukakaianya nao kwa miaka irandadu, ukamvisa Hekalunyi ngelo rose Athalia orekoghe ukibonya nguma isangenyi.

2 WAZURI 11:9

Nao waja wabaa wikamsikira uja mkohani Jehoiada, kula umu ukareda wandu wake wewada mazughe na wesighia wambao mazughe ituku ja Sabato.

2 WAZURI 12:7

Niko Mzuri Joashi ukammbanga Jehoiada na wakohani wamu ukakotia, “Kwaki mseboisagha Hekalu? Kwa wundu ughu, msewadeghe pesa ringi kufuma idana, ela mcharineka ripate kutumilwa kwa kuboisa Hekalu.”

2 WAZURI 23:3

Mzuri ukakaia kimusi kaavui na nguro, ukabonya ilaghano kwa BWANA, jemnugha na kuwadia memu yake, na wushuhuda ghwa memu yake kwa ngolo yake yose, na kwa roho yake yose; na kuwadia malaghano ghake sa iji ghiandikilo sharienyi andenyi ya icho chuo; na wandu wose wikarumiriana kwa agho malaghano.

1 MALAGHO GHA NGELO 9:13

Wakohani awo werekoghe vilongozi va mzawo werekoghe wandu elfu imweri maghana mfungade na mirongo irandadu. Wandu werekoghe na ndighi nyingi rebonya kazi ya wudumiki ghwa Hekalu ya Mlungu.

2 MALAGHO GHA NGELO 15:12

Wikabonya ilaghano jemlola BWANA Mlungu wa weke ndee kwa ngolo rawo rose, na kwa roho rawo rose;

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

NEHEMIA 10:29

dawadana na vilongozi vedu kwa ighemi kukaia dikalemwa ni kuikatisha Sharia ya Mlungu iyo oremnekieghe mdumiki wako Musa na malaghiro na mafundisho ghake, diwado ni njowe. Nesi daghema kukaia dichaghiwadia ghose.

NEHEMIA 5:12

Vilongozi vikatumbulia, “Dichabonya sa iji kwaghora. Dichawunja vilambo vawo, nesi ndedichaawilawia anduangi.” Ngawiwanga wakohani, ngawibonya vilongozi wibonye ighemi imbiri kwawo kukaia wichabonya sa iji koni walaghira.

NEHEMIA 9:38

Kwa wundu ghwa agha ghose ghibonyekie, isi wandu wa Israeli dabonya ilaghano ja loli kwa maandiko, na wabaa wedu, Walawi na Wakohani wajirumiria kwa kujikaba mhuri ghwawo.

MABONYO GHA WADUMI 5:24

M'baa wa walindiri wa Hekalu na wakohani wabaa wiendasikira agho, wikakambwa ni chongo wisemanyagha ni ilaghoki ijo.

MABONYO GHA WADUMI 5:26

Nao uja m'baa wa walindiri andwamweri na watini wake, wikaghenda na kuwireda wadumi; ela si kwa ndighi, angu wereobueghe kulaswa na magho ni wandu.

JOSHUA 24:25

Niko Joshua ukabonya ilaghano na awo wandu ituku ijo, ukawika sharia na malaghiro aighu yawo uko Shekemu.

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 23:18

Nao waja wandu wawi wikabonyerana ilaghano imbiri ya BWANA. Daudi ukasigharika aja Horeshi, na Jonathani ukaghala.