2 WAZURI 1:3 - Biblia Ilagho Jiboie Kwa Wandu Wose

³ Ela malaika wa BWANA ukamzera mlodi Elija, Mtishbi, “Wuka, kwendekwana na wandu wadumwa ni mzuri wa Samaria kuwizere, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni?’

2 WAZURI 1:3 ပူးပေါင်းရင်းမြစ်များ

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:1

Nyuma ya matuku mengi, mwaka ghwa kadadu ghwa kusowa vua, BWANA ukamzera Elija, “Ghenda kukuwonyere kumoni kwa Ahabu, nani nichanyesha vua.”

1 WAZURI 18:36

Nao luma lwa kufunya kizongona cha kenyi, mlodi Elija ukacha kaavui na madhabahu ukalomba ukighamba, “Ee BWANA Mlungu wa Abrahamu, na wa Isaaka na wa Jakobo, ndeimanyike idime iji kukaia oho ko Mlungu andenyi ya Israeli, na kukaia ini ne mdumiki wako, nani nabonya agha ghose kwa ilagho jako.

1 WAZURI 19:5

Ukalala aisi ya mretemu; nao malaika wa BWANA ukacha ukamuadada ukammbusira ukighamba, “Wuka kuje.”

1 WAZURI 19:7

Malaika wa BWANA ukacha indo ja kawi ukammbusira ukamzera, “Wuka kuje, kwa kukaia ichi charo ni kibaa.”

1 WAZURI 21:17

BWANA ukamzera Elija Mtishbi,

2 WAZURI 1:2

Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

2 WAZURI 1:6

Wikamzera, “Daakwana na mndumu ukadizera diwuye kwako dikuzere, BWANA waghamba, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni? Kwa huwo ndekuchaaghusea ugho wuli kughulalie, ela kuchafwa.’”

2 WAZURI 1:8

Wikatumbulia, “Ni mundu urwae mrongo ghwa nyamandu, uko na mkowa ghwa mrongo kiwonunyi kwake.” Mzuri ukaghamba, “Uo ni Elija, Mtishbi.”

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

2 WAZURI 5:8

Nao iji mlodi Elisha wasikira kukaia mzuri wa Israeli warashua nguwo rake, ukikambwa ni chongo, ukamdumia momu ukighamba, “Kwaki kwakambwa ni chongo? Mleke uche kwapo idana, nao uchamanya kukaia oko mlodi Israeli.”

ZABURI 76:1

Mlungu wamanyikie Juda, irina jake ni ibaa kwa Israeli.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JONA 2:8

Awandu witasagha milimu ya duu, wadasigha kukaia waloli kwako.

MARKO 3:22

Na walimu wa Sharia wereserieghe kufuma Jerusalemu, wikaghamba, “Oko na Beelizebuli, na kwa m'baa wa pepo niko wariwinga pepo.”

MABONYO GHA WADUMI 8:26

Nao malaika wa Bwana ukamzera Filipo, “Wuka kughende cha kusinyi, kuvike ija chia iseagha cha Gaza kufuma Jerusalemu.” Chia ihi iaidiria kireti.

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;