2 WAZURI 1:2 - Biblia Ilagho Jiboie Kwa Wandu Wose

² Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

2 WAZURI 1:2 ပူးပေါင်းရင်းမြစ်များ

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 14:3

Kumdwaie mikate ikumi, na keki rimu na chupa ya wuki, nao uchakughoria agho ghose ghichaampata uhu mwana.”

1 WAZURI 22:34

Ela asikari umu wa Siria, ukaruda ndana yake kwa mlungu ghwake, ukamlasa Mzuri Ahabu andu nguwo rake ra chuma rikwaniagha; nao moni ukazera uja mundu oreghenjagha igare, “Ghalua igare kuniwike na mbai ya wuda; nashoghonolwa nandighi.”

1 WAZURI 22:40

Ahabu ukafwa; mwana wake Ahazia ukabonya nguma wulalo ghwake.

2 WAZURI 1:16

ukamzera, “BWANA waghamba huwu, ‘Kwa kukaia kwadumie wandu kukotia malagho kwa Baalzebubu, ugho mlungu ghwa Ekroni, sa kwamba Mlungu ndeko Israeli, kwa wundu ugho, ndekuchaaboa, ela kwa loli kuchafwa.’”

2 WAZURI 1:3

Ela malaika wa BWANA ukamzera mlodi Elija, Mtishbi, “Wuka, kwendekwana na wandu wadumwa ni mzuri wa Samaria kuwizere, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni?’

2 WAZURI 1:6

Wikamzera, “Daakwana na mndumu ukadizera diwuye kwako dikuzere, BWANA waghamba, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni? Kwa huwo ndekuchaaghusea ugho wuli kughulalie, ela kuchafwa.’”

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

LUMBO 2:9

Mkundwa wapo ooka sa shaa, sa sarigha ngoo ya womi. Ola hoja kimusi lukumbinyi, waawuyasungia idirishenyi, uazighana a nyavunyi.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 2:6

Oho kwawisighie wandu wako ee Mlungu, icho kivalwa cha Jakobo; Kwa kukaia wachulwa ni wulaghui sa wandu wa mashariki, na sa Wafilisti, sena wabonya wungara na waghenyi.

ISAYA 37:12

Kokala wandu wapo weretoteshereghe mizi ya Gozani, Harani, na Rezefu; ukabwagha wandu wa Beth-edeni werekoghe Telasa, na milungu yawo ingi ndeerewikirieghe anduangi.

ISAYA 37:19

nao wakorie milungu yawo nayo ni kazi ya mikonu ya wadamu, ya midi na magho; niko oredimieghe kuinona.

MATHAYO 10:25

Yamkata mnughi kukaia sa mwalimu wake na mdumiki sa bwana wake. Ikakaia wammbanga m'baa wa nyumba Beelizebuli, wichachumba saki kuwiwanga marina ghizamie awo wa kinyumba chake.

MARKO 3:22

Na walimu wa Sharia wereserieghe kufuma Jerusalemu, wikaghamba, “Oko na Beelizebuli, na kwa m'baa wa pepo niko wariwinga pepo.”

LUKA 11:15

Ela wamu wikaghamba, “Wadariwinga pepo kwa ndighi ra Beelizebuli m'baa wa pepo.”

MABONYO GHA WADUMI 20:9

Nao mdawana umu uwangwagha Eutuko orekoghe kidombo idirishenyi, hata iji Paulo wachuria kughora, uo mdawana ukadungumia na kuwadwa ni dilo nyingi; nao iji wasimwa putu ni dilo, ukapotoka andoenyi kufuma gorofa ya kadadu, ukasholwa wafwa.

JOSHUA 15:11

Ugho mpaka ghukaida na kujoka cha mghondinyi kaskazinyi ya Ekroni, ghukaghaluka kulangaya cha Shikeroni kuida Mghondi ghwa Baala hata kuvika Jabneeli; ghukatuia Bahari ya Mediterania,

WATANYI 11:24

Ndekuwusagha icho mlungu ghwako Kemoshi ghukunekagha chikaie chako? Ela isi dichawusa icho chose BWANA Mlungu odu udinekie.

WATANYI 5:28

“Mae Sisera ukazighanira idirishenyi, ukazighanira idirishenyi ja chekecheke ukighamba, ‘Kwaki igare jake jamuka huwu? Kwaki tiri ra farasi risesikirikagha, na magare ghake ghisechagha?’

1 SAMUELI 5:10

Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”