2 SAMUELI 9:6 - Biblia Ilagho Jiboie Kwa Wandu Wose

⁶ Mefiboshethi mwana wa Jonathani, wawae Sauli ukacha kwa Daudi; ukaghwa kiwushu-wushu kwa ishima imbiri ya Daudi. Daudi ukammbanga, “Mefiboshethi!” Ukadika, “Neko aeni mdumiki wako.”

2 SAMUELI 9:6 ပူးပေါင်းရင်းမြစ်များ

KUZOYA 18:2

Abrahamu ukawusira meso ghake ukazighana, ukawona wandu wadadu wiko kimusi imbiri kwake. Hata iji wawiwona ukafuma hemenyi kwake na iseghe ukawimara, ukawighoghomia hata andoenyi ukaghamba,

KUZOYA 33:3

Ela uo moni ukakiria imbiri kwawo, ukikughoghomesha hata andoenyi mando mfungade, hata ukavika kaavui na mruna.

2 SAMUELI 1:7

Nao iji orezighanireghe nanyuma, ukaniwona ukaniwanga; ngadika ‘Neko.’

2 SAMUELI 16:4

Mzuri ukamzera Siba, “Ola iro rose rerekoghe ra Mefiboshethi richawuya rako.” Siba ukaghamba, “Nawusa kwa chawucha; elaima nirumirie nikudumikieghe bwana wapo mzuri kwa kala na kala.”

2 SAMUELI 21:7

Ela mzuri ukamkira Mefiboshethi mwana wa Jonathani, nao ni wawae Sauli; kwa kukaia orebonyereghe ighemi na Jonathani mwana wa Sauli imbiri ya BWANA.

2 SAMUELI 4:4

Jonathani mwana wa Sauli orekoghe na mwana wa womi uko na maghu ghikelemere. Orekoghe mwana wa irika ja miaka misanu, ingelo malagho gha Sauli na Jonathani ghereredeloghe kufuma Jezreeli, Mreri wake ukamduka ukakimbia. Ela iji orekoghe ukikimbia na iseghe, uo mwana ukapotoka ukashoghonoka na kuwuya mkelemeri; na irina ja uo mwana ni Mefiboshethi.

2 SAMUELI 9:5

Nao Mzuri Daudi ukaduma, ukaredwa kufuma nyumbenyi kwa Makiri mwana wa Amieli aja Lo-debari.

1 MALAGHO GHA NGELO 8:34

Mwana wa Jonathani orekoghe Merib-baali, na uo oremvaeghe Mika.

1 MALAGHO GHA NGELO 9:40

Mwana wa Jonathani Merib-baali, uo oremvaeghe Mika.

1 SAMUELI 20:41

Uja mwana uendaghenda, Daudi ukafuma aja ukuvisireghe kitungunyi cha magho, ukaghwa kiwushu-wushu imbiri ya Jonathani mando adadu; wikawadana na kususughana wikilila hata Daudi ukalila kuchumba.

1 SAMUELI 25:23

Nao iji Abigaili wammbona Daudi, ukasea shwa-shwa kufuma pundenyi, na kughwa imbiri ya Daudi kiwushu-wushu, ukadunga wushu ghwake andonyi.