2 SAMUELI 9:3 - Biblia Ilagho Jiboie Kwa Wandu Wose

³ Mzuri ukamkotia, “Ndekuwadie mndungi wa kivalwa cha Sauli, usigharikie, nipate kum'bonyera mecha seji nerelaghirieghe kwa Mlungu?” Siba ukamzera mzuri, “Oko mwana umweri wa Jonathani usigharikie, nao ookelemia maghu.”

2 SAMUELI 9:3 ပူးပေါင်းရင်းမြစ်များ

2 SAMUELI 19:26

Ukatumbulia, “Nechi mdumiki wapo odenikalia ee bwana wapo mzuri. Ini mdumiki wako nerefumieghe to, ngamzera mdumiki wapo unialie punda nimjoke nipate kughendanya na mzuri. Kwa kukaia ini mdumiki wako ne mkelemeri.

2 SAMUELI 19:27

Wanizighirie ini mdumiki wako kwa bwana wapo mzuri. Ela bwana wapo mzuri ni sa malaika wa Mlungu; kwa huwo bonya ijo kujiwonagha jiboie kwako.

2 SAMUELI 4:4

Jonathani mwana wa Sauli orekoghe na mwana wa womi uko na maghu ghikelemere. Orekoghe mwana wa irika ja miaka misanu, ingelo malagho gha Sauli na Jonathani ghereredeloghe kufuma Jezreeli, Mreri wake ukamduka ukakimbia. Ela iji orekoghe ukikimbia na iseghe, uo mwana ukapotoka ukashoghonoka na kuwuya mkelemeri; na irina ja uo mwana ni Mefiboshethi.

2 SAMUELI 9:13

Niko Mefiboshethi ukakaia Jerusalemu, ukadua ukija vindo mezenyi kwa mzuri matuku ghose; nao orekoghe mkelemeri wa maghu ghake ghose.

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

LUKA 6:36

Mkaie na wughoma sa iji Ndeyo onyu uko na wughoma.

WUKUMBUSO 10:15

Ela sena BWANA orewikundieghe weke ndeyo kwa ngolo, ukamsaghua inyo kivalwa chawo, na kummbika aighu ya wandu wose, seji iko idime.

WUKUMBUSO 4:37

Na angu orewikundeghe weke ndeyo, oresaghueghe kivalwa chawo; ukakufunya Misri moni kwa ndighi rake mbaa.