2 SAMUELI 9:13 - Biblia Ilagho Jiboie Kwa Wandu Wose

¹³ Niko Mefiboshethi ukakaia Jerusalemu, ukadua ukija vindo mezenyi kwa mzuri matuku ghose; nao orekoghe mkelemeri wa maghu ghake ghose.

2 SAMUELI 9:13 ပူးပေါင်းရင်းမြစ်များ

2 SAMUELI 19:27

Wanizighirie ini mdumiki wako kwa bwana wapo mzuri. Ela bwana wapo mzuri ni sa malaika wa Mlungu; kwa huwo bonya ijo kujiwonagha jiboie kwako.

2 SAMUELI 4:4

Jonathani mwana wa Sauli orekoghe na mwana wa womi uko na maghu ghikelemere. Orekoghe mwana wa irika ja miaka misanu, ingelo malagho gha Sauli na Jonathani ghereredeloghe kufuma Jezreeli, Mreri wake ukamduka ukakimbia. Ela iji orekoghe ukikimbia na iseghe, uo mwana ukapotoka ukashoghonoka na kuwuya mkelemeri; na irina ja uo mwana ni Mefiboshethi.

2 SAMUELI 9:12

Mefiboshethi orekoghe na mwana mtini wa womi uwangwagha Mika. Awo wandu wose werekoghe wikikaia nyumbenyi kwa Siba wikawuya wadumiki wa Mefiboshethi.

2 SAMUELI 9:3

Mzuri ukamkotia, “Ndekuwadie mndungi wa kivalwa cha Sauli, usigharikie, nipate kum'bonyera mecha seji nerelaghirieghe kwa Mlungu?” Siba ukamzera mzuri, “Oko mwana umweri wa Jonathani usigharikie, nao ookelemia maghu.”

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

JEREMIA 52:33

Niko Jehoiakini ukainja nguwo rake ra kifungonyi, na kula ituku ukakaia ukija vindo mezenyi kwa mzuri;