2 SAMUELI 8:6 - Biblia Ilagho Jiboie Kwa Wandu Wose

⁶ Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

2 SAMUELI 8:6 ပူးပေါင်းရင်းမြစ်များ

2 SAMUELI 10:19

Niko aho awo wazuri werekukwanyireghe na Hadadezeri iji wawona kukaia wameria kusimwa ni Waisraeli, wikalomba sere kwa Waisraeli, na kukuwika aisi yawo. Kwa huwo Wasiria wikaobua, hata ndewichewitesia Waamoni sena.

2 SAMUELI 23:14

Ngelo iyo Daudi odeeka ukikuvisa, na ngome ya Wafilisti edeeka aja Bethlehemu.

2 SAMUELI 3:18

Idana ngelo ekatisha yavika; angu BWANA oremlaghirieghe Daudi ukighamba, ‘Kwa mkonu ghwa mdumiki wapo Daudi, nichawikira wandu wapo Israeli kufuma kwa mikonu ya Wafilisti na kufuma kwa mikonu ya wamaiza wawo wose.’”

2 SAMUELI 5:10

Daudi ukachurikia na kuwuya mundu m'baa, kwa kukaia BWANA Mlungu wa majeshi orekoghe andwamweri nao.

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

2 SAMUELI 8:14

Ukaagha ngome andenyi ya isanga jose ja Edomu. Waedomu wose wikawuya wadumiki wa Daudi; na BWANA ukamneka Daudi wusimi andu uko kose oreghendieghe.

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

2 SAMUELI 8:7

Daudi ukawusa ngao ra dhahabu reredwaloghe ni wabaa wa Hadadezeri, ukarireda Jerusalemu.

1 WAZURI 4:21

Solomoni ukabonya nguma aighu ya mawuzuri ghose; kufuma Moda ghwa Eufrate hata isanga ja Wafilisti na mpakenyi ghwa Misri. Wandu wikamredia kodi na kumdumikia irangi jake jose.

2 WAZURI 1:1

Nyuma ya kifwa cha Ahabu, Moabu wikawilegha Israeli.

2 WAZURI 14:28

Mabonyo ghose gha Jeroboamu ubonyere, na kudima kwake, na seji uluye wuda na kujiwunja isanga ja Dameshki na Hamathi cha Israeli, agho gherekoghe masanga gha Juda, ghaandikilo andenyi ya Chuo cha Malagho gha Ngelo cha Wazuri wa Israeli.

2 WAZURI 18:7

Na BWANA ukakaia nao andu kose oreghendieghe ukawona nicha; ukamlegha mzuri wa Ashuru, hata nderekuwikieghe aisi yake anduangi.

2 WAZURI 3:4

Mzuri Mesha wa Moabu orekoghe mundu ofugha ng'ondi; nao ukakaia ukilipa kwa mzuri wa Israeli wana wa ng'ondi elfu ighana jimweri, na mafuri gha bauru elfu ighana jimweri kula mwaka.

1 MALAGHO GHA NGELO 18:13

Ukawika bonjo ya masikari Edomu, na Waedomu wose wikawuya wadumiki wa Daudi. BWANA ukamneka Daudi wusimi andu kose oreghendieghe.

2 MALAGHO GHA NGELO 17:2

Orewikieghe majeshi andenyi ya mizi yose ya Juda iko na ngome; ukabonya kambi ya masikari andenyi ya isanga ja Juda na andenyi ya mizi ya Efraimu iyo erewadiloghe ni ndee Asa.

ZABURI 140:7

Ee BWANA Mlungu wapo, mlindiri wapo uwadie ndighi, kwanilindirie wudenyi.

ZABURI 60:10

Huwo ndekoodilegha, ekusewueghendanya na majeshi ghedu ee Mlungu?

MAKATANISHO 21:31

Farasi yadawikwa nicha kwa wundu ghwa ituku ja wuda, ela wusimi ni ghwa BWANA.

1 SAMUELI 13:3

Jonathani ukajikaba ijeshi ja Wafilisti werekoghe ngomenyi ya Geba ukawisima; na Wafilisti wikasikira. Nao Sauli ukakaba tarumbeta isangenyi kose ukighamba, “Waebrania ndewiche.”

1 SAMUELI 14:1

Ituku jimu, Jonathani mwana wa Sauli ukamzera uo mdawana orekoghe ukimdukia maswagha, “Nndoko diruwuke ija chia cha ngomenyi ya Wafilisti.” Ela Jonathani orekoghe usemghorie ndee.

1 SAMUELI 14:15

Wafilisti werekoghe kambinyi, na awo werekoghe cha shighadinyi na ngomenyi, wikangilwa ni kiture kibaa; hata na awo widwagha wandu wunyika wikaobua, na ndoe ikasughusika; na wandu wose wikangilwa ni wowa m'baa.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”