2 SAMUELI 8:4 - Biblia Ilagho Jiboie Kwa Wandu Wose

⁴ Daudi ukamsoka wajoki farasi elfu na maghana mfungade, na masikari gheghenda na maghu elfu mirongo iwi. Daudi ukasaghua farasi rekurudua magare ighana jimweri, ela farasi rimu zima, ukaridumbua mighenu na kurikelemesha.

2 SAMUELI 8:4 ပူးပေါင်းရင်းမြစ်များ

KUZOYA 49:6

Kusakengia njamenyi kwawo ee roho yapo, hata kusakengia ikwanyikonyi jawo ee roho yapo. Angu werewibwaghieghe wandu kwa machu ghawo, na kwa wutukutu ghwawo wereridemieghe njau, na kuridumbua mighenu.

1 WAZURI 10:26

Solomoni ukatumbanya magare na farasi. Orekoghe na magare elfu na maghana ana na farasi elfu ikumi na iwi. Ukariwika rimu Jerusalemu na rimu mizi mizima.

1 MALAGHO GHA NGELO 18:4

Daudi ukamsoka magare elfu imweri, wajoki farasi elfu mfungade, na masikari wa maghu elfu mirongo iwi; ukadumbua mighenu ya farasi rose ra magare, ukaasigha rikatagha magare ighana jimweri.

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

JOSHUA 11:6

BWANA ukamzera Joshua, “Kusakewiobua, angu kesho ngelo sa ihi nichawibwagha wose kwa wundu ghwa Israeli; kuchachikanya farasi rawo maghu, na kughikora magare ghawo.”

JOSHUA 11:9

Joshua ukawibonya sa iji koni orelaghiriloghe ni BWANA, ukachikanya farasi rawo maghu, na kughikora magare ghawo.