2 SAMUELI 8:11 - Biblia Ilagho Jiboie Kwa Wandu Wose

¹¹ Mzuri Daudi ukaviranganya vilambo ivo chiaimweri na vimu va feza na va dhahabu orevipatireghe kwa rija mbari orerisimieghe na kurinyarimisha; ukaviwika vose wakfu kwa BWANA.

2 SAMUELI 8:11 ပူးပေါင်းရင်းမြစ်များ

2 SAMUELI 8:10

Toi ukamduma mwana wake Joramu kwa Mzuri Daudi, upate kumroghua na kumghata kwa wundu ghwa kulwa na Hadadezeri hata ukamsima, angu Hadadezeri orekoghe ukilwa na Toi shwa kwa shwa. Joramu ukamredia Daudi vilambo va feza, dhahabu na va shaba.

1 WAZURI 7:51

Niko huwo kazi yose Mzuri Solomoni oreibonyereghe kwa wundu ghwa Hekalu ya BWANA ikasia. Ukareda vilambo vose verewikiloghe wakfu kwa BWANA ni ndee Daudi, ukavingira andenyi ya chumba cha vilambo; shaba na dhahabu na vilambo vizima.

1 MALAGHO GHA NGELO 18:11

Vilambo ivo wori mzuri Daudi ukavifunya kwa BWANA chiaimweri na feza na dhahabu iyo oreidwaeghe kufuma Edomu, Moabu, na kwa Waamoni, Wafilisti, na Waamaleki.

1 MALAGHO GHA NGELO 29:2

Nakufungishire ndighi kutumbanya vilambo kwa wundu ghwa Hekalu ya Mlungu wapo; dhahabu, kwa wundu ghwa vilambo va dhahabu; feza, kwa wundu ghwa vilambo va feza; shaba, kwa wundu ghwa vilambo shaba; chuma, kwa wundu ghwa vilambo va chuma; na midi, kwa wundu ghwa vilambo va midi; aighu ya ivo, gheko magho mengi gha zoghori mbaa gha oniksi na ghengira mapambo, na kula kichuku cha magho gha zoghori mbaa, na marimari.

2 MALAGHO GHA NGELO 5:1

Solomoni uendameria kazi yose ya Hekalu ya BWANA, ukavingira ivo vilambo ndee Daudi oreviwikieghe wakfu; ukawika feza, dhahabu, na vombo vose andenyi ya mali ya Hekalu ya Mlungu.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”