2 SAMUELI 8:1 - Biblia Ilagho Jiboie Kwa Wandu Wose

¹ Konyuma, Daudi ukawisima Wafilisti na kuwinyamirisha putu. Ukawada muzi ghwa Gathi kufuma kwa Wafilisti.

2 SAMUELI 8:1 ပူးပေါင်းရင်းမြစ်များ

2 SAMUELI 19:9

Wandu wose wa Israeli werekoghe wikisimana weni na weni wikighamba, “Mzuri wadikirie na wamaiza wedu, sena ukadikira na Wafilisti, na idana hoyu wamkimbia Absalomu na kukaia shighadi ya isanga.

2 SAMUELI 2:24

Ela Joabu na Abishai wikamnugha Abneri; hata iji iruwa jerekoghe jikineng'ena, wikavika mghondi ghwa Ama, ghuko naimbiri ya Gia, chia eghenda cha kireti cha Gibeoni.

2 SAMUELI 22:44

“Oho kwanikirie na nganyi ra wandu wapo, kukaniwika nikaie kilongozi cha mbari ra wandu; hata nawuyadumikilwa ni wandu niserewimanyireghe.

2 SAMUELI 5:17

Nao iji Wafilisti wasikira kukaia Daudi wamerie kushingwa mavuda ukaie mzuri aighu ya Israeli, wikajoka wose kumlola; ela Daudi uendasikira agho, ukasea ngomenyi ukakuvisa.

2 SAMUELI 5:25

Nao Daudi ukabonya sa iji koni BWANA umzerie ukawikaba Wafilisti kufuma Geba hata Gezeri.

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

ZABURI 18:43

Kwanikirie nisesimane na wandu, kukaniwika nikaie m'baa wa mbari ra wandu; wandu niserewiichighi wikanidumikia.

ZABURI 60:2

Kwasughusire ndoe, kukaibara; boisa chughuma raro, angu yaawuyatana.

ZABURI 60:8

Moabu ni beseni yapo ekuoghosha, Edomu naikumbia chadu chapo, kuwonyera ni yapo; Filistia niaizomia kwa kuisima.”

WAEBRANIA 11:33

wandu awo kwa irumirio, weresimieghe mawuzuri, wikawika hachi, wikapata malaghiro, wikafunga memu ya shimba,

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

1 SAMUELI 7:13

Kwa huwo Wafilisti wikasimwa ni Waisraeli, hata ndewerewurieghe kungia andenyi ya mano ya Israeli sena. BWANA ukawineka Waisraeli wusimi aighu ya Wafilisti matuku ghose gha Samueli.