2 SAMUELI 7:8 - Biblia Ilagho Jiboie Kwa Wandu Wose

⁸ Kwa huwo kumzere mdumiki wapo Daudi huwu, ‘Nedekuwusa kukilisha ng'ondi mlambenyi, kupate kukaia kilongozi cha wandu wapo Israeli;

2 SAMUELI 7:8 ပူးပေါင်းရင်းမြစ်များ

2 SAMUELI 12:7

Nathani ukamzera Daudi, “Oho nuo uja mundu. BWANA, uo Mlungu wa Israeli, waghamba ‘Nerekushingieghe mavuda kukaie mzuri aighu ya Israeli, ngakukira kusebwagho ni Sauli;

2 SAMUELI 14:13

Uja muka ukaghamba, “Kwaki sena oho kubonyere mpango ghuko huwo aighu ya wandu wa Mlungu? Angu sa iji koni mzuri watanya waakutanya moni kwa kuleghawunja uja mwana wake moni uhamie muzi.

2 SAMUELI 23:1

Agha nigho malagho gha kutua gha Daudi: Madedo gha Daudi mwana wa Jese, madedo gha mundu ujosero ni Mlungu uo mshingwa mavuda wa Mlungu wa Jakobo; mdungi zaburi risingie wa Israeli:

2 SAMUELI 24:17

Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

2 SAMUELI 6:21

Daudi ukamzera Mikali, “Nedeeka ngivina imbiri ya BWANA, uo orenisaghueghe wulalo ghwa ndeyo na wandu wa nyumba yake yose, nipate kukaia kilongozi cha wandu wake Israeli; nani nichachuria kuzuma imbiri ya BWANA.

1 WAZURI 3:6

Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

1 WAZURI 8:16

‘Kufuma ituku jija nerewijosereghe wandu wapo Israeli kufuma isanga ja Misri, seresaghueghe muzi ghungi aghadi ya vichuku vose va Israeli nipate kuagha Hekalu enitasira; ela nerekusaghueghe oho Daudi, kupate kuwibonyera wandu wapo Israeli nguma.’”

1 MALAGHO GHA NGELO 17:7

“Idana kumzere mdumiki wapo Daudi kukaia Ini BWANA Uwadie-Ndighi-Rose naghamba huwu, ‘Nerekufunyireghe mlambenyi kukilisha ng'ondi kupate kukaia m'baa wa wandu wapo Israeli.

1 MALAGHO GHA NGELO 21:17

Na Daudi ukamzera Mlungu, “Welee, si ini nerelaghirieghe wandu witalo? Nechi ni ini nibonyere kaung'a; nabonyere ilagho jizamie nandighi. Ela wandu awa wiko sa ng'ondi wori, awo wabonyere wada? Nakulomba kunikabe ini na nyumba ya aba ee BWANA Mlungu, kusighe wandu wako.”

AMOSI 7:15

BWANA ooniwada ngilisha mfugho, nao ukanizera nichefunyira wandu wake Israeli wulodi.

MABONYO GHA WADUMI 7:46

Daudi moni orerumirikieghe imbiri ya Mlungu, nao ukalomba urumirilo kum'boisira Mlungu wa Jakobo andu kokaia.

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”