2 SAMUELI 7:24 - Biblia Ilagho Jiboie Kwa Wandu Wose

²⁴ Na oho kwawimangishire wandu wako Israeli wikaie wandu wako kwa kala na kala; na oho ee BWANA kwawurie Mlungu wawo.

2 SAMUELI 7:24 ပူးပေါင်းရင်းမြစ်များ

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

KUZOYA 17:8

Nani nichakuneka oho na kivalwa chako chose isanga iji kwawuyajikaia sa mghenyi, isanga jose ja Kanaani, jipate kuwuya jawo kwa kala na kala, na ini nichakaia Mlungu wawo.”

2 SAMUELI 7:23

Ni mbari iyao ndoenyi iko sa wandu wako Israeli, awo koreghendieghe kuwikombua wikaie wandu wako, eri kukupatire kumoni irina, na kuwibonyera maza ra mashiniko; kwa kuwinga imbiri kwawo mbari chiaimweri na milungu yawo?

2 SAMUELI 7:25

Na idana ee BWANA Mlungu, kujimangishe ilagho kwajighora kwa wundu ghwapo ini mdumiki wako, na kwa wundu ghwa wandu wa nyumba yapo; kujibonye sa iji koni kwaghamba;

1 MALAGHO GHA NGELO 17:22

Kwawibonyere wandu wako Israeli wikaie wako toe, na oho kukawuya Mlungu wawo ee BWANA.

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

KUFUMA 15:2

BWANA nuo ndighi rapo na lumbo lwapo, nao wawuya kukia kwapo; Uhu nuo Mlungu wapo, nani nichamkasa; ni Mlungu wa aba, nani nichamkuma.

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

JEREMIA 31:1

BWANA waghamba, “Ngelo ija nichakaia Mlungu wa vichuku va Israeli, nawo wichakaia wandu wapo.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

JOHANE 1:12

Elaima awa weremmbusireghe, wikarumiria kwake, orewinekieghe ndighi rewuya wana wa Mlungu.

WUKUMBUSO 26:18

BWANA wamghora idime kukaia inyo mo mbari ya wandu wake moni, sa iji koni ulaghirie; na kukaia mughiwadieghe malaghiro ghake.

WUKUMBUSO 27:9

Nao Musa na wakohani Walawi wikawizera Waisraeli wose, “Sikirenyi ee wandu wa Israeli: Idime mwawuya wandu wa BWANA Mlungu onyu;

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.