2 SAMUELI 7:23 - Biblia Ilagho Jiboie Kwa Wandu Wose

²³ Ni mbari iyao ndoenyi iko sa wandu wako Israeli, awo koreghendieghe kuwikombua wikaie wandu wako, eri kukupatire kumoni irina, na kuwibonyera maza ra mashiniko; kwa kuwinga imbiri kwawo mbari chiaimweri na milungu yawo?

2 SAMUELI 7:23 ပူးပေါင်းရင်းမြစ်များ

2 SAMUELI 7:24

Na oho kwawimangishire wandu wako Israeli wikaie wandu wako kwa kala na kala; na oho ee BWANA kwawurie Mlungu wawo.

1 MALAGHO GHA NGELO 17:21

Ndeiko mbari ingi ndoenyi iko sa wandu wako Israeli, awo korewikombueghe kufuma wuzumbenyi wikaie wako weni. Maza mbaa korewibonyereghe raeresha sare yako ndoenyi kose. Korewivuvueghe wandu wako kufuma Misri, kukariwinga mbari zima rerekoghe imbiri kwawo.

NEHEMIA 1:10

“Awa ni wadumiki wako BWANA korewivuvueghe kwa ndighi na kudima kwako kubaa.

ZABURI 106:22

Orebonyereghe kazi ra mashiniko isanga ja Hamu, na maza reobosha Bahari ya Shamu.

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 145:6

Wandu wichaeresha malagho gha mabonyo ghako gha ndighi gheobosha; nani nichaeresha malagho gha wubaa ghwako.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ZABURI 40:5

Mabonyo ghako gha mashiniko, na mipango yako cha kodu ni mingi na ndighi ee BWANA Mlungu odu, ndekuwadie ungi udimagha kufwananishwa na oho! Ngera nadaghieresha na kughora malagho gharo, ndaghatalikagha.

ZABURI 44:3

Weke aba ndewerewadieghe isanga kwa lufu lwawo loni, hata ndeweresimieghe kwa ndighi rawo; ela ni kwa ndighi rako, na kudima kwako, kukiwonyera angu kokwanye nawo, angu korewikundieghe.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

KUFUMA 33:16

Angu ichamanyika wada ngera loli kwaboilwagha ni ini na wandu wako? Welee, si iji oho kwaghendanya nesi, siko aho dichaamanyika nicha ini chiaimweri na wandu wako, kwa wandu wose wiko ndoenyi anguwada?”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

KUFUMA 9:15

Wei nedeghorua mkonu ghwapo kukukaba oho na wandu wako kwa saka ya ngawawi, kumangu ndekuko ndoenyi;

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

JEREMIA 32:20

oho korewonyereghe alama na mashiniko andenyi ya isanga ja Misri, na hata idime kwawuyawonyera kwa wadamu wose; kukamanyika seji iko idime.

JEREMIA 32:21

Oho korewiredieghe wandu wako Israeli kufuma isanga ja Misri kwa alama na mashiniko, na kwa mkonu ghwako ghwa ndighi ghoobosha.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

MITALO 6:27

“Kwa chia iyo, wichajimanyisha irina japo aghadi ya wandu wa Israeli, nani nichawirasimia.”

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WUKUMBUSO 10:21

Mumkase; uo ni Mlungu onyu; inyo mwawonie kwa meso ghenyu maza mbaa reobosha uribonyere kwa wundu ghonyu.

WUKUMBUSO 15:15

Kumbukenyi angu nenyo wori morekoghe wazumba isanga ja Misri, na BWANA Mlungu onyu ukamkombua; niko nawuyakulaghira huwo idime.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

WUKUMBUSO 9:26

Ngamlomba BWANA, ‘Ee Bwana MLUNGU, kusakewitotesha wandu wako, ifwa jako; awo korewikombueghe kwa ndighi rako mbaa na kudima, kukawifunya Misri.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.