2 SAMUELI 7:22 - Biblia Ilagho Jiboie Kwa Wandu Wose

²² Kwa huwo koko m'baa ee BWANA Mlungu, hata ndekuwadie Mlungu ungi mzima sa oho, kunughana na agho ghose dighisikire kwa madu ghedu.

2 SAMUELI 7:22 ပူးပေါင်းရင်းမြစ်များ

2 SAMUELI 22:32

“Nani uko Mlungu iseeka ni BWANA moni? Nani uko mlindiri ela Mlungu odu moni?

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

1 MALAGHO GHA NGELO 16:25

BWANA ni m'baa, ufwane ukaso nandighi; wafwana kuobolwa kuchumba milungu yose.

2 MALAGHO GHA NGELO 2:5

Hekalu nichaaiagha ichakaia mbaa, angu Mlungu odu ni m'baa kuchumba milungu yose.

ZABURI 135:5

Naichi kukaia BWANA odu ni m'baa; ni m'baa kuchumba milungu yose.

ZABURI 145:3

BWANA ni m'baa, nao wafwana ukaso nandighi. Wubaa ghwake ndeghumanyikagha.

ZABURI 44:1

Dasikire na madu ghedu ee Mlungu, daghorelo ni weke aba, seji kubonyere ngelo rawo agho matuku ghawo gha kala:

ZABURI 48:1

BWANA ni m'baa, wafwana ukaso nandighi mzinyi kwa Mlungu odu, aighu ya mghondi ghwake ghwa wueli.

ZABURI 86:10

Oho koko m'baa, kubonyagha maza ra mashiniko; ni oho kuekeri kuko Mlungu.

ZABURI 86:8

Ndekuwadie mlungu ghungi ghuko sa oho ee BWANA, hata ndekuwadie kazi ringi riko sa rako anduangi.

ZABURI 89:6

Nani uko mlungunyi udimagha kufwananishwa na BWANA? Nani wa awo wiko mlungunyi ufwanane nao?

ZABURI 89:8

Ee BWANA Mlungu wa majeshi, nani uko na ndighi sa oho ee BWANA; oho koko mloli kwa maza rose.

ZABURI 96:4

BWANA ni m'baa, ufwane ukaso nandighi; yafwana uobolo kuchumba milungu yose.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 8:10

Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.

KUFUMA 8:6

Niko Haruni ukaghorua zobo yake aighu ya machi gha Misri, na vichula vikacha, vikafinikira isanga jose ja Misri.

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

ISAYA 40:18

Idana, Mlungu kuchamfwananisha nani? Angu kwadima kughora wafwane wada?

ISAYA 40:25

Mlungu Mweli ufwananishwa nani? Oko ungi ufwanane nao?

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

EZEKIELI 36:22

“Kwa huwo kuwizere wandu wa Israeli kukaia ini Bwana MLUNGU siwuebonya maza iro kwa wundu ghonyu, ela ni kwa wundu ghwa irina japo ja wueli, ijo mujilushire aghadi ya iro mbari ra wandu morerighendieghe.

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

WUKUMBUSO 3:24

‘Ee BWANA Mlungu, kwaazoya kummbonyera mdumiki wako woruwu ugho wubaa ghwako na kudima kwako; ni mlungu uao uko mlungunyi angu ndoenyi udimagha kubonya kazi ring'ane huwu sa rako?

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

WUKUMBUSO 4:35

BWANA odekuwonyera huwo, eri kupate kumanya angu uo nuo Mlungu, na angu ndekuwadie ungi mzima uko sa uo.

WUKUMBUSO 4:39

Kwa huwo kumanye kufuma idime, sena kuwike ngolonyi kwako kukaia BWANA ni Mlungu koighu mlungunyi na ndoenyi nakosi hata ndekuwadie mlungu ungi mzima anduangi.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.