2 SAMUELI 7:2 - Biblia Ilagho Jiboie Kwa Wandu Wose

² Niko mzuri ukamzera mlodi Nathani, “Wona ini naawuyakaia andenyi ya nyumba iaghilo kwa midi ya sida, na Sanduku ya BWANA yaawuyakaia hemenyi!”

2 SAMUELI 7:2 ပူးပေါင်းရင်းမြစ်များ

2 SAMUELI 11:11

Uria ukamzera Daudi, “Sanduku ya Ilaghano na wandu wa Israeli na wa Juda wose waawuyalala a viwandenyi, na bwana wapo Joabu na wabaa wose wa bwana wapo weeka kambinyi a mlambenyi. Welee, nidima wada kughenda nyumbenyi kuja na kunywa na kulala na muka wapo? Sa iji koni kukaiagha moyo, na roho yako ikaiagha moyo, ini sichaabonya ilagho ijo anduangi.”

2 SAMUELI 12:1

Niko BWANA ukamduma Nathani kwa Daudi. Nathani ukacha ukamzera Daudi, “Korekoghe na wandu wawi muzi ghumu; umu orekoghe mzuri wa mali na umu orekoghe mkiwa.

2 SAMUELI 5:11

Niko Hiramu mzuri wa Tiro ukaduma wandu kwa Daudi, chiaimweri na midi ya sida; na mafundi gha mbau na gha magho, ghikamuaghia Daudi ngome.

2 SAMUELI 6:17

Wikaireda Sanduku ya BWANA na kuingira hemenyi iyo Daudi oreidungieghe kwa wundu ghwaro, wikaiwika andu kwaro. Daudi ukamfunyira BWANA vizongona vekora na vizongona va mapatano.

2 SAMUELI 7:17

Nathani ukamghoria Daudi malagho ghose gha mawono agho karakara na seji oreghoreloghe ni BWANA.

1 WAZURI 1:22

Nao iji Bathsheba orekoghe ukidedanya na mzuri, mlodi Nathani ukangia.

1 WAZURI 1:8

Ela mkohani Zadoku, na Benaia mwana wa Jehoiada, na mlodi Nathani, na Shimei, na Rei, na walindiri wa mzuri ndewerewadaneghe na Adonija anduangi.

1 WAZURI 4:5

Azaria mwana wa Nathani orekoghe m'baa aighu ya wabaa wambao; Zabudi mwana wa Nathani orekoghe mkohani na mghenyi wa mzuri;

1 WAZURI 8:17

Solomoni ukachuria kughora, “Aba Daudi orekoghe na mpango ghoagha Hekalu emtasira BWANA Mlungu wa Israeli.

1 MALAGHO GHA NGELO 14:1

Nao Hiramu mzuri wa Tiro ukaduma wandu kwa Daudi na misida na mafundi gheagha magho na ghewada nyumba, wipate kumuaghia.

1 MALAGHO GHA NGELO 16:1

Wikareda Sanduku ya Mlungu na kuingira andenyi ya hema iyo Daudi orekoghe waidunga; wikafunya vizongona vekora, na vizongona va mapatano imbiri ya Mlungu.

1 MALAGHO GHA NGELO 22:7

Daudi ukamzera Solomoni, “Mwana wapo, nerekoghe na maghesho gheagha Hekalu emtasira BWANA Mlungu wapo.

1 MALAGHO GHA NGELO 29:29

Mabonyo gha Mzuri Daudi kufuma kuzoya hata kutua ghaandikilo chuonyi cha Malagho gha Ngelo cha mlodi Samueli, na gha Malagho gha Ngelo cha mlodi Nathani, na cha Malagho gha Ngelo cha mlodi Gadi

2 MALAGHO GHA NGELO 1:4

(Ela Daudi orekoghe waireda Sanduku ya Ilaghano ja Mlungu, kufuma Kiriath-jearimu hata andu orekoghe wakuboisa; kwa kukaia orekoghe waidungia hema Jerusalemu.)

2 MALAGHO GHA NGELO 29:25

Mzuri ukawika Walawi andenyi ya Hekalu ya BWANA wiko na banjo, na vinubi na zeze; kunughana na malaghiro gha BWANA oremlaghirieghe Daudi ukimtumia mmboni wa mzuri Gadi, na mlodi Nathani; angu agho malaghiro ghedefuma kwa BWANA ghikiidiria kwa walodi wake.

2 MALAGHO GHA NGELO 9:29

Mabonyo ghose mazima gha Solomoni kufuma kuzoya hata kutua, ghaandikilo andenyi ya historia ya mlodi Nathani, na andenyi ya wulodi ghwa Ahija wa Shilo na andenyi ya mawono gha Ido uo mmboni, na wokoni malagho aighu ya Jeroboamu mwana wa Nebati.

ZABURI 132:2

Kumbuka BWANA seji orelaghirieghe na kughema; kwako oho Kuwadie Ndighi, Mlungu wa Jakobo ukighamba,

ZABURI 132:5

hata nimerie kupata wulalo kwa wundu ghwa BWANA, andu kokaia kwa wundu ghwa Mlungu Uwadie Ndighi wa Jakobo.”

KUFUMA 40:21

Ukangira iyo Sanduku Hemenyi na kurugha pazia. Huwo ukairugha iyo Sanduku sa iji koni BWANA oremlaghirieghe.

HAGAI 1:4

“Wele wandu wapo, kwaki mlalagha andenyi ya nyumba riboie ingelo Hekalu yapo iduagha inonekie?

JOHANE 2:17

Wanughi wake wikakumbuka seji iandikilo huwu, “Iriso jeikunda nyumba yako janibwagha.”

MABONYO GHA WADUMI 7:46

Daudi moni orerumirikieghe imbiri ya Mlungu, nao ukalomba urumirilo kum'boisira Mlungu wa Jakobo andu kokaia.