2 SAMUELI 7:18 - Biblia Ilagho Jiboie Kwa Wandu Wose

¹⁸ Nao Mzuri Daudi ukangia andenyi ya Hema Ekwania, ukasea kidombo ukamlomba BWANA ukighamba, “Ini neko kii ee Bwana MLUNGU, na wandu wa nyumba yapo weko kii, hata kudibonyere maza mbaa ring'ane huwu?

2 SAMUELI 7:18 ပူးပေါင်းရင်းမြစ်များ

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

KUZOYA 32:11

Kunikire nakulomba, kunikire nisekabo ni mwanidu, uo mwanidu Esau; angu namuobua na ndighi usechedibwagha isi diwose, wana na weke mae.

2 SAMUELI 23:5

Hee, si huwo koni kivalwa chapo chiko na Mlungu? Angu orenibonyereghe ilaghano ja kala na kala, jilaghirilo na kumangishwa kwa wundu ghwa vilambo vose. Welee, ndechaanibonya niwone nicha na kunikatishira bea yapo anguwada?

2 SAMUELI 7:17

Nathani ukamghoria Daudi malagho ghose gha mawono agho karakara na seji oreghoreloghe ni BWANA.

1 MALAGHO GHA NGELO 17:16

Niko Mzuri Daudi ukangia andenyi ya Hema ekwania, ukasea kidombo imbiri ya BWANA ukaghamba, “Ee BWANA Mlungu, ini nani, na wandu wa nyumbenyi kwapo ni kilamboki hata kukadibonyera agha ghose?

1 MALAGHO GHA NGELO 29:14

“Ela ini na wandu wapo deko kii hata didime kukufunyira kwa ngolo huwu? Kwa kukaia vilambo vose vadafuma kwako nesi daakuneka iveni vako.

ZABURI 8:4

mdamu niki hata kumkumbuke, angu mwana wa mdamu niki hata kumtale?

KUFUMA 3:11

Ela Musa ukamzera Mlungu, “Ini neko ani hata nidime kughenda kwa Mzuri, na kuwifunya wana wa Israeli wifume Misri?”

ISAYA 37:14

Hata iji Mzuri Hezekia waiwada iyo barua kufuma kwa wadumiki wa mzuri wa Waashuru, ukaishoma. Niko Hezekia ukaghenda Hekalunyi kwa BWANA na kuiwika iyo barua imbiri ya BWANA;

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WATANYI 6:15

Gideoni ukamzera “Nga Bwana, nidima wada kuwikira Israeli nani ngifuma kwa kichuku kitini cha mbari ya Manase, sena ni ini mtini andenyi ya nyumba ya mzedu.”

RUTHU 2:10

Ruthu ukaghoghoma hata chongo chake chikadunga andonyi, ukaghamba, “Yakaia wada oho kunitale nandighi huwu ini niko mghenyi?”

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.

1 SAMUELI 18:18

Nao Daudi ukamzera Sauli, “Ini na kichuku chapo deko kii andenyi ya Israeli hata niwuye mghosi wake mzuri?”

1 SAMUELI 9:21

Sauli ukatumbulia, “Nechi ini ne M'benjamini, icho kichuku cha nyuma putu cha Israeli? Na kinyumba cha kedu nicho cha ndonyi putu kuchumba vinyumba vose va kichuku cha Benjamini, Kwaki kunizeragha malagho sa agha?”