2 SAMUELI 7:16 - Biblia Ilagho Jiboie Kwa Wandu Wose

¹⁶ Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

2 SAMUELI 7:16 ပူးပေါင်းရင်းမြစ်များ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 SAMUELI 22:51

Mlungu wadamneka wusimi m'baa uo mzuri wake ummbikie, na kuwonyera lukundo lukatie kwa mshingwa mavuda wake; uo Daudi na kivalwa chake kwa kala na kala.”

2 SAMUELI 7:13

Uo uchaniaghia nyumba, nani nichamangisha wuzuri ghwake kwa kala na kala.

2 SAMUELI 7:17

Nathani ukamghoria Daudi malagho ghose gha mawono agho karakara na seji oreghoreloghe ni BWANA.

1 WAZURI 2:4

Kukamsikira, BWANA uchajimangisha ilaghiro ijo orenizerieghe kukaia, wana wapo wikalindia chia rawo na kughenda kwa wuloli imbiri kwake kwa ngolo rawo rose, na jingi sichaasowa mundu oseria kifumbi cha nguma andenyi ya Israeli.

1 WAZURI 9:5

nichajikatisha ilaghiro japo neremlaghirieghe ndeyo Daudi ngighamba kukaia kivalwa chake chichawibonyera wandu wa Israeli nguma kwa kala na kala.

2 WAZURI 19:34

Kwa kukaia nichaghulindia ughu muzi nipate kughukira kwa wundu ghwapo, na kwa wundu ghwa mdumiki wapo Daudi.’”

2 WAZURI 8:19

Elaima BWANA nderetoteshereghe Juda, kwa kukaia BWANA orekoghe wamlaghira Daudi kukaia ndechaasoweka mndungi obonya nguma Juda wa kivalwa chake kwa kala na kala.

2 MALAGHO GHA NGELO 6:16

Na idana ee BWANA Mlungu wa Israeli kumkatishire aba Daudi agho koremlaghirieghe kukighamba, ‘Najingi ndekuchaasowa mundu obonya nguma aighu ya Israeli imbiri kwapo, iji wana wako wichakulindia kwa maza rose wichaabonya imbiri kwapo kunughana na sharia yapo sa iji kuikatishire ngiwona.’

AYUBU 36:7

Ndelekagha kuwizighana wahachi, ela wawiwika wibonye nguma sa wazuri, na kunekwa ishima matuku ghose.

ZABURI 45:6

Kifumbi chako cha nguma ni cha Mlungu, chiadua kwa kala na kala; kwawibonyere wandu wako nguma kwa hachi;

ZABURI 72:5

Kumneke kudua moyo luma, ngelo rose iruwa na mori viko aghadi ya vivalwa vose.

ZABURI 89:4

‘Nichachibonya kivalwa chako chiduo kwa kala na kala, na kumangisha kifumbi chako cha nguma vivalwa vose.’”

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 17:25

niko wazuri weseria kifumbi cha nguma cha Daudi wichangia wikiidiria ihi mbenge ya ughu muzi, wikijoka magare na farasi, awo chiaimweri na wabaa wawo, na wandu wa Juda na awo wikaiagha Jerusalemu; na muzi ughu ghuchakailwa ni wandu kwa kala na kala.

JEREMIA 33:17

Kwa kukaia ini BWANA naghamba, Daudi ndechaasowa mundu oseria kifumbi cha nguma andenyi ya Israeli,

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

WAEBRANIA 1:8

Ela kwa Mwana waghamba huwu, “Kifumbi chako cha nguma ee Mlungu chadua kwa kala na kala, mzata ghwa nguma ghwa hachi, ni mzata ghwa nguma ghwa wuzuri ghwako.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.