2 SAMUELI 6:2 - Biblia Ilagho Jiboie Kwa Wandu Wose

² Ukajokanya na wandu wose werekwanyeghe nao kufuma Baal-Juda; wipate kuireda Sanduku ya Ilaghano ja BWANA, iyo iwangilo kwa irina ja BWANA wa majeshi, uo ukaiagha kidombo kifumbinyi cha nguma aighu ya makerubi.

2 SAMUELI 6:2 ပူးပေါင်းရင်းမြစ်များ

2 SAMUELI 22:11

Orejokieghe aighu ya ikerubi ukaburuka, ukawoneka aighu ya mawawa gha mbeo.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

ISAYA 47:4

Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

JOSHUA 15:60

Korekoghe na Kiriath-baal (nigho Kiriath-jearimu) na Raba: yose ni mizi iwi chiaimweri na mizi yawo mitini.

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

1 SAMUELI 4:4

Niko wikaduma wandu kufuma aho, wikaireda kufuma Shilo Sanduku ya Ilaghano ja BWANA wa majeshi, uo ukaiagha ghadi na ghadi ya fwana ra makerubi ghighorue mawawa aighu ya iyo Sanduku; wana wawi wa Eli, Hofni na Finehasi, wikaireda iyo Sanduku.

1 SAMUELI 6:21

Niko wikaduma wandu Kiriath-jearimu wikighamba, “Wafilisti wawunja Sanduku ya Ilaghano; choonyi muionde.”

1 SAMUELI 7:1

Niko wandu wa Kiriath-jearimu wikaghenda na kuionda Sanduku ya Ilaghano ya BWANA, wikaiwika nyumbenyi kwa Abinadabu ukaiagha mghondinyi, wikammbika mwana wake Eleazari ukaie mlindiri wa iyo Sanduku ya BWANA.