2 SAMUELI 6:17 - Biblia Ilagho Jiboie Kwa Wandu Wose

¹⁷ Wikaireda Sanduku ya BWANA na kuingira hemenyi iyo Daudi oreidungieghe kwa wundu ghwaro, wikaiwika andu kwaro. Daudi ukamfunyira BWANA vizongona vekora na vizongona va mapatano.

2 SAMUELI 6:17 ပူးပေါင်းရင်းမြစ်များ

1 WAZURI 8:5

Mzuri Solomoni andwamweri na wandu wose wa Israeli wikakwanyika imbiri ya Sanduku ya Ilaghano, wikafunya kizongona cha ng'ondi na ng'ombe nyingi risetalikagha kwa wungi ghwaro.

1 MALAGHO GHA NGELO 15:1

Daudi ukakuaghia nyumba rake andenyi ya muzi ghwa Daudi; ukaboisa wulalo kwa wudu ghwa Sanduku ya Mlungu na kuidungia hema.

1 MALAGHO GHA NGELO 15:3

Niko Daudi ukawikwanya Waisraeli wose aho Jerusalemu wipate kuireda Sanduku ya BWANA andu kwaro orekoghe waipoisira.

1 MALAGHO GHA NGELO 16:1

Wikareda Sanduku ya Mlungu na kuingira andenyi ya hema iyo Daudi orekoghe waidunga; wikafunya vizongona vekora, na vizongona va mapatano imbiri ya Mlungu.

1 MALAGHO GHA NGELO 6:31

Awa niwo wandu Mzuri Daudi orewiwikieghe wikaie vilongozi veboresha Hekalunyi kwa BWANA nyuma ya Sanduku ya Ilaghano kuredwa aho.

2 MALAGHO GHA NGELO 1:4

(Ela Daudi orekoghe waireda Sanduku ya Ilaghano ja Mlungu, kufuma Kiriath-jearimu hata andu orekoghe wakuboisa; kwa kukaia orekoghe waidungia hema Jerusalemu.)

2 MALAGHO GHA NGELO 5:6

Mzuri Solomoni, na izungu jose ja wandu wa Israeli awo werekwanyikieghe kwake, wikakaia imbiri ya Sanduku wikifunya vizongona vingi va ng'ondi na ng'ombe risetalikagha.

ZABURI 132:8

Wuka ee BWANA, kungie Hekalunyi kwako chiaimweri na Sanduku ya Ilaghano alama ya ndighi rako.

WALAWI 3:9

Niko uchainja munda na mavuda gharo ghose kufuma kwa icho kizongona chekora cha mapatano chafunywa kwa BWANA, ela ughudumbuye kaavui na indi ja mghongo, na ilala ja mavuda ghose gha kifu cha iyo nyamandu na mavuda ghose gha vifu;