2 SAMUELI 6:15 - Biblia Ilagho Jiboie Kwa Wandu Wose

¹⁵ Niko huwo Daudi na wandu wose wa Israeli wikaireda Sanduku ya BWANA wikizuma na kukaba tarumbeta.

2 SAMUELI 6:15 ပူးပေါင်းရင်းမြစ်များ

2 SAMUELI 6:14

Daudi orekoghe warwa naivera ya kitani ndicha; ukamvinia BWANA kwa ndighi rake rose.

2 SAMUELI 6:16

Hata iji Sanduku ya llaghano ya BWANA erekoghe ikingirwa mzinyi ghwa Daudi, Mikali mwai wa Sauli ukazighana idirishenyi, ukammbona Mzuri Daudi ukirama na kuvina imbiri ya BWANA, ukammenya ngolonyi kwake.

1 MALAGHO GHA NGELO 15:16

Wokoni Daudi ukawilaghira wabaa wa Walawi wiwike wakwawo webora na kukaba vombo va muziki kwa ndighi; vinubi, zeze, banjo na kufunya lwaka lwa kuboilwa.

1 MALAGHO GHA NGELO 15:25

Niko Daudi na waghosi wa Israeli na vilongozi va maelfu wikaghenda kuireda Sanduku ya Ilaghano ja BWANA kufuma nyumbenyi kwa Obed-edomu kwa kuboilwa kubaa.

1 MALAGHO GHA NGELO 15:28

Na huwo Waisraeli wikaireda Sanduku ya BWANA na ngemi iendanyagha na lwaka lwa mbembe, tarumbeta na banjo, nawo wikakaba muziki m'baa ghwa vinubi na zeze.

ZABURI 132:18

Nichawifusha waya wamaiza wake, ela wuzuri ghwake ghuchachurikia na kuwona nicha.”

ZABURI 149:5

Wandu wa Mlungu ndewiboilo kwa wusimi ghwawo; ndewibore kwa kuboilwa mawulinyi kwawo.

ZABURI 150:3

Mkasenyi kwa lwaka lwa tarumbeta; mkasenyi kwa msherembe na kinubi.

ZABURI 47:1

Kabenyi chui inyo wandu wose! M'borienyi Mlungu kwa lwaka lubaa lwa kuboilwa.

EZEKIELI 46:10

Wichangianya na m'baa wa isanga, na kufumanya nao.

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.