2 SAMUELI 6:13 - Biblia Ilagho Jiboie Kwa Wandu Wose

¹³ Awo wandu wereidukagha Sanduku ya llaghano ja BWANA, wimeria kughenda milambo irandadu, Daudi ukabwagha kizongona cha njau na ngache ibandie.

2 SAMUELI 6:13 ပူးပေါင်းရင်းမြစ်များ

1 WAZURI 8:5

Mzuri Solomoni andwamweri na wandu wose wa Israeli wikakwanyika imbiri ya Sanduku ya Ilaghano, wikafunya kizongona cha ng'ondi na ng'ombe nyingi risetalikagha kwa wungi ghwaro.

1 MALAGHO GHA NGELO 15:15

Niko Walawi wikaiduka iyo Sanduku ya Mlungu na midi maweghenyi kwawo sa iji koni Musa orelaghirieghe kunughana na ilagho ja BWANA.

1 MALAGHO GHA NGELO 15:2

Nao Daudi ukaghamba, “Mndungi ndedimagha kuiduka Sanduku ya Mlungu ela Walawi weni; angu niwo BWANA orewisaghueghe wiidukeghe Sanduku ya BWANA na kumdumikiagha toe.”

2 MALAGHO GHA NGELO 5:6

Mzuri Solomoni, na izungu jose ja wandu wa Israeli awo werekwanyikieghe kwake, wikakaia imbiri ya Sanduku wikifunya vizongona vingi va ng'ondi na ng'ombe risetalikagha.

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 7:9

Ela wana wa Kohathi, Musa nderewinekieghe kindo chingi anduangi; angu awo werekoghe wikivilindia ivo vilambo va wueli verekoghe vikidukwa na ionge.

MATHAYO 22:4

Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,