2 SAMUELI 5:9 - Biblia Ilagho Jiboie Kwa Wandu Wose

⁹ Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.

2 SAMUELI 5:9 ပူးပေါင်းရင်းမြစ်များ

2 SAMUELI 5:7

Ela sena Daudi ukaiwada ngome ya Sioni, nagho nigho ghocheewangwa muzi ghwa Daudi.

2 SAMUELI 5:8

Ituku jija Daudi ukaghamba, “Uo ose uchaawikaba Wajebusi, ndejoke kwa kuidiria mkuonyi ghwa machi, uwikabe awo vitungure na wakelemeri winizamiagha.” (Iyo niyo sababu ighorwagha kukaia, “Vitungure na wakelemeri ndewina rusa engia nyumba ya BWANA.”)

2 SAMUELI 6:10

Kwa huwo Daudi nderekundieghe kuireda mzinyi kwake, ela ukaipilisha na kuingira nyumbenyi kwa Obed-edomu, Mgiti.

1 WAZURI 11:27

Orebonyereghe wumaiza na mzuri kwa chia ihi: Solomoni oreaghieghe viluwatiro vemaziria, na kuboisa wurigha ghwa muzi ghwa ndee Daudi.

1 WAZURI 2:10

Nao Daudi ukafwa; ukarikwa mzinyi kwa Daudi.

1 WAZURI 9:15

Mzuri Solomoni oretumieghe wandu wa kazi redumikishwa kuiagha Hekalu na ngome ya mzuri, na viluwatiro vemazira, na wurigha ghwa muzi ghwa Jerusalemu, na Hazori, na Megido, na Gezeri.

1 WAZURI 9:24

Mwai wa mzuri wa Misri, uo orelowologhe ni Solomoni, orefumieghe aho mzinyi kwa Daudi, ukaghenda kwa ngome yake moni iyo Solomoni oremuaghieghe; niko Solomoni ukaagha vija viluwatiro vemaziria.

2 WAZURI 12:20

Wadumiki wake wikamlegha na kum'bwagha andenyi ya nyumba ya Milo, chienyi esea cha Sila.

2 WAZURI 12:21

Jozakari mwana wa Shimeathi na Jehozabadi mwana wa Shomeri, wadumiki wa mzuri, niwo weremkabieghe Joashi na kum'bwagha. Wikamrika andu weke ndee wererikiloghe mzinyi ghwa Daudi; na mwana wake Amazia ukabonya nguma wulalo ghwake.

1 MALAGHO GHA NGELO 11:8

Ukaghuagha ugho muzi ukizoia aho ghoreaghiloghe cha mashariki ya mghondi, na Joabu ukaboisa andu kuzima kwa muzi.

2 MALAGHO GHA NGELO 32:5

Ukazoya kubonya kazi eagha wurigha ghose ghorevuchukieghe, ukawusira minara aighu yaro; ukaagha wurigha ghumu cha shighadi, na kuchichuria ndighi kiwonu chiaghilo cha muzi ghwa Daudi. Wokoni ukabonya maswagha mengi na ngao.

NEHEMIA 3:15

Shalumu mwana wa Kolhoze, m'bonyi nguma wa isanga ja Mispa, oreaghieghe Mbenge ya Ndoria, ukaifinikira; ukangira minyango na vuma varo verugha. Ukaagha wurigha ghwa Kiriwa cha Shela kaavui na mbuwa ya mzuri, hata kuvikia viluwatiro viseagha kufuma Muzi ghwa Daudi.

ZABURI 122:3

Jerusalemu ni muzi ghuaghilo na kuwadanishwa nicha.

ISAYA 29:1

Ni bugha kwako Jerusalemu, ugho muzi Daudi orebonyereghe kambi yake. Miaka ndeiche na kuida karamu rikibonywa;

WATANYI 9:20

ela ikakaia si huwo kungi, modo ndeghufume kwa Abimeleki ghukore Waisanga wa Shekemu na Beth-milo, na modo ghufume kwa waisanga wa Shekemu na Beth-milo, ghukore Abimeleki.”

WATANYI 9:6

Waisanga wose wa Shekemu wikakwanyika chiaimweri na wandu wose wa Beth-milo; wikaghenda kaavui na mualoni ghwa wueli ghuko kaavui na ija nguro aja Shekemu, na kum'bonya Abimeleki ukaie mzuri.