2 SAMUELI 5:7 - Biblia Ilagho Jiboie Kwa Wandu Wose

⁷ Ela sena Daudi ukaiwada ngome ya Sioni, nagho nigho ghocheewangwa muzi ghwa Daudi.

2 SAMUELI 5:7 ပူးပေါင်းရင်းမြစ်များ

2 SAMUELI 5:8

Ituku jija Daudi ukaghamba, “Uo ose uchaawikaba Wajebusi, ndejoke kwa kuidiria mkuonyi ghwa machi, uwikabe awo vitungure na wakelemeri winizamiagha.” (Iyo niyo sababu ighorwagha kukaia, “Vitungure na wakelemeri ndewina rusa engia nyumba ya BWANA.”)

2 SAMUELI 5:9

Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.

2 SAMUELI 6:10

Kwa huwo Daudi nderekundieghe kuireda mzinyi kwake, ela ukaipilisha na kuingira nyumbenyi kwa Obed-edomu, Mgiti.

2 SAMUELI 6:12

Nao Mzuri Daudi ukaghorelwa kukaia BWANA wamrasimie Obed-edomu chiaimweri na vilambo vose uko navo, angu Sanduku ya BWANA erekoghe kwake. Kwa huwo Daudi ukasea ukaionda Sanduku ya BWANA kufuma nyumbenyi kwa Obed-edomu, ukaireda mzinyi kwake ukizuma.

2 SAMUELI 6:16

Hata iji Sanduku ya llaghano ya BWANA erekoghe ikingirwa mzinyi ghwa Daudi, Mikali mwai wa Sauli ukazighana idirishenyi, ukammbona Mzuri Daudi ukirama na kuvina imbiri ya BWANA, ukammenya ngolonyi kwake.

1 WAZURI 2:10

Nao Daudi ukafwa; ukarikwa mzinyi kwa Daudi.

1 WAZURI 3:1

Solomoni ukabonya mapatano aghadi yake na mzuri wa Misri kwa kumlowua mwai wake. Ukamreda mzinyi ghwa Daudi ukaieghe aho, hata wameria kuagha muzi ghwake ghoni, na Hekalu, na wurigha ghomara muzi ghwa Jerusalemu.

1 WAZURI 8:1

Niko Mzuri Solomoni ukawikwanya Wabaa wose na waghosi wose wa mbari ya Israeli aho Jerusalemu, wipate kuifunya Sanduku ya Ilaghano mzinyi kwa Daudi aho Sioni, na kuighenja Hekalunyi.

1 WAZURI 9:24

Mwai wa mzuri wa Misri, uo orelowologhe ni Solomoni, orefumieghe aho mzinyi kwa Daudi, ukaghenda kwa ngome yake moni iyo Solomoni oremuaghieghe; niko Solomoni ukaagha vija viluwatiro vemaziria.

1 MALAGHO GHA NGELO 11:7

Daudi ukakaia ngomenyi; kwa huwo ghukawuya “Muzi ghwa Daudi.”

2 MALAGHO GHA NGELO 24:16

Wikamrika aghadi ya wazuri, mzinyi kwa Daudi; angu orebonyereghe nicha andenyi ya Israeli na kwa Mlungu na Hekalu.

2 MALAGHO GHA NGELO 5:2

Niko Solomoni ukawikwanya Jerusalemu waghosi wa Israeli, na wabaa wose wa vichuku, na vilongozi va nyumba ra weke ndee ra wandu wa Israeli; wipate kuireda Sanduku ya Ilaghano ja BWANA kufuma muzi ghwa Daudi, Sioni.

NEHEMIA 3:15

Shalumu mwana wa Kolhoze, m'bonyi nguma wa isanga ja Mispa, oreaghieghe Mbenge ya Ndoria, ukaifinikira; ukangira minyango na vuma varo verugha. Ukaagha wurigha ghwa Kiriwa cha Shela kaavui na mbuwa ya mzuri, hata kuvikia viluwatiro viseagha kufuma Muzi ghwa Daudi.

ZABURI 132:13

BWANA wasaghue Sioni; ukunde ukaieghe aho ukighamba,

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 48:12

Selenyi mughumare muzi ghwa Sioni; talenyi minara yaro.

ZABURI 48:3

Mlungu wakuwonyera moni kukaia mlindiri wa loli andenyi ya ngome ra ugho muzi.

ZABURI 51:18

Kukunde kuibonyera Sioni nicha ee Mlungu; kughiaghe sena mawurigha gha Jerusalemu.

ZABURI 87:2

BWANA waghukunde muzi ghwa Jerusalemu, kuchumba andu kose kuzima kwa Israeli.

ZABURI 9:11

M'borienyi makaso uo BWANA ukaiagha Sioni! Wighorienyi wandu mabonyo ghake!

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 59:20

BWANA waghamba, “Nichacha Jerusalemu kumkombua inyo kivalwa cha Jakobo, mghalukagha na kusigha makosa ghenyu.

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.