2 SAMUELI 5:6 - Biblia Ilagho Jiboie Kwa Wandu Wose

⁶ Nao iji Mzuri Daudi orekundieghe kungia Jerusalemu chiaimweri na wandu wake, Wajebusi awo werekoghe waisanga wa aho wikamzera Daudi, “Aha uko ndekungiagha kungi; hata vitungure na wakelemeri wadima kukuwinga,” wikiririkanya kedi Daudi ndedimagha kughuwada ugho muzi.

2 SAMUELI 5:6 ပူးပေါင်းရင်းမြစ်များ

KUZOYA 14:18

Na Melkizedeki mzuri wa Salemu ukamredia mkate na divei, nao orekoghe ni Mkohani wa Mlungu-Uko-Aighu-Nandighi.

2 SAMUELI 22:30

Ee, nadima kufasha-fasha ijeshi kwa ndighi rako na kwa ndighi ra Mlungu wapo nadima kurama wurighenyi.

MAKATANISHO 21:22

Mundu wa hikima wadaghukaba muzi ghwa wandu wiwadie ndighi, na kurivuchua ngome wawuyakusaghika naro.

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 37:10

Angu hata ngera mwadasima ijeshi jose ja Wababuloni wawuyalwa nenyo, nao wisigharike wandu washoghonolwa wiko andenyi hemenyi kwawo, wichawuka na kughukora ughu muzi.’”

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

JOSHUA 10:3

Kwa huwo Adonisedeki mzuri wa Jerusalemu, ukaduma kwa Hohamu mzuri wa Hebroni, na Piramu mzuri wa Jarmuthi, na Jafia mzuri wa Lakishi, na Debiri mzuri wa Egloni ukighamba,

JOSHUA 15:63

Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.

JOSHUA 18:28

Zela, Haelefu, Jebusi (angu Jerusalemu) Gibea na Kiriath-jearimu: mizi ikumi na ina, chiaimweri na mizi yaro mitini. Iji nijo ifwa ja kichuku cha Benjamini kunughana na nyumba rawo.

WATANYI 1:21

Ela wandu wa Benjamini ndewerewingieghe Wajebusi awo werekoghe wikikaia Jerusalemu, na kufuma aho Wajebusi wikakaianya na wandu wa Benjamini hata idime.

WATANYI 1:8

Wandu wa Juda wikalwa na Jerusalemu, na kughuwada ugho muzi. Wikawibwagha wandu werekoghe aho kwa lufu na kukora ugho muzi.