2 SAMUELI 5:3 - Biblia Ilagho Jiboie Kwa Wandu Wose

³ Niko wabaa wose wa Israeli wikamchea Daudi aho Hebroni; na Mzuri Daudi ukabonya nawo ilaghano imbiri ya BWANA; nawo wikamshinga Daudi mavuda ukaie mzuri aighu ya Israeli.

2 SAMUELI 5:3 ပူးပေါင်းရင်းမြစ်များ

2 SAMUELI 2:4

Niko wandu wa Juda wikacha, wikamdunga Daudi mavuda ukaie mzuri aighu ya Juda. Nao iji Daudi waghorelwa kukaia wandu wimrikie Sauli ni wa Jabeshi-gileadi,

2 SAMUELI 2:7

Nenyo mkufungishe ndighi, mkaie na wuwana; kwa kukaia bwana onyu Sauli wafue, na wandu wa Juda wanidunga mavuda nipate kukaia mzuri aighu yawo.”

2 SAMUELI 3:21

Abneri ukamzera Daudi, “Ini nichaghenda na kukukwanyira oho bwana wapo mzuri Waisraeli wose, wipate kubonya ilaghano na oho, eri kuwibonyere nguma wose seji ngolo yako ikundagha.” Nao Daudi ukamsigha Abneri, nao ukaghenda kwa sere.

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

2 WAZURI 11:17

Niko mkohani Jehoiada ukabonya ilaghano aghadi ya BWANA na mzuri Joashi, na wandu kukaia wichakufunya wikaie wa BWANA, sena ukabonya wandu wibonye ilaghano na mzuri.

1 MALAGHO GHA NGELO 11:1

Niko Waisraeli wose wikakwanyika kwa Daudi aja Hebroni wikaghamba, “Zighana oho ko nyama na bagha yedu.

1 MALAGHO GHA NGELO 11:3

Kwa huwo waghosi wose wa Israeli wikacha kwa mzuri aho Hebroni; na Daudi ukabonya ilaghano nawo imbiri ya BWANA aho, nawo wikamshinga mavuda ukaie mzuri aighu ya Israeli karakara na ilagho ja BWANA orejighorieghe ukimtumia Samueli.

1 MALAGHO GHA NGELO 28:4

Sena BWANA Mlungu wa Israeli wanisaghue ini na kivalwa chapo niwibonyere Israeli nguma matuku ghose. Oremsaghueghe aba kufuma kwa kichuku cha Juda. Kufuma kwa icho kichuku ukanisaghua nikaie mzuri aighu ya Israeli yose.

2 MALAGHO GHA NGELO 23:16

Niko Jehoiada, na wandu, chiaimweri na mzuri, ukabonya ilaghano kukaia wichakaia wandu wa BWANA.

NEHEMIA 9:38

Kwa wundu ghwa agha ghose ghibonyekie, isi wandu wa Israeli dabonya ilaghano ja loli kwa maandiko, na wabaa wedu, Walawi na Wakohani wajirumiria kwa kujikaba mhuri ghwawo.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

JOSHUA 10:36

Nyuma ya agho, Joshua na wandu wose wa Israeli wikaghenda kufuma Egloni, wikajoka cha mghondinyi hata Hebroni na kughukaba ugho muzi;

WATANYI 11:11

Niko Jefitha ukaghendanya na wabaa wa Gileadi, na wandu wikam'bonya ukaie m'baa na kilongozi chawo. Jefitha ukaghora malagho ghake imbiri ya BWANA aho Mispa.

1 SAMUELI 11:15

Nao wandu wose wikaghenda Gilgali, wikam'bonya Sauli ukaie mzuri imbiri ya BWANA; wikafunya vizongona va mapatano kwa BWANA, Sauli na wandu wose wa Israeli wikaboilwa na ndighi.

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 SAMUELI 23:18

Nao waja wandu wawi wikabonyerana ilaghano imbiri ya BWANA. Daudi ukasigharika aja Horeshi, na Jonathani ukaghala.