2 SAMUELI 5:2 - Biblia Ilagho Jiboie Kwa Wandu Wose

² Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

2 SAMUELI 5:2 ပူးပေါင်းရင်းမြစ်များ

KUZOYA 49:24

Ela ndana yake uo erekoghe imange, na mikonu yake erebonyeroghe kukaia na ndighi, kwa kudima kwa Uo-Uwadie-Ndighi wa Jakobo, kwa irina ja Mlisha, nao ni Mbanga ya Israeli;

2 SAMUELI 6:21

Daudi ukamzera Mikali, “Nedeeka ngivina imbiri ya BWANA, uo orenisaghueghe wulalo ghwa ndeyo na wandu wa nyumba yake yose, nipate kukaia kilongozi cha wandu wake Israeli; nani nichachuria kuzuma imbiri ya BWANA.

2 SAMUELI 7:7

Namare-mare andu kose chiaimweri na wandu wose wa Israeli. Jingi mwanisikire ngilawia vilongozi venyu wei, “Kwaki mseniaghiagha nyumba ya midi ya sida?” ’

2 SAMUELI 7:8

Kwa huwo kumzere mdumiki wapo Daudi huwu, ‘Nedekuwusa kukilisha ng'ondi mlambenyi, kupate kukaia kilongozi cha wandu wapo Israeli;

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

1 MALAGHO GHA NGELO 11:2

Imbiri, hata iji Sauli orekoghe mzuri, ni oho korekoghe kukiwighenja Waisraeli. BWANA Mlungu wako ukakuzera kukaia kuchakaia mlisha wa wandu wake Israeli, na kuwuya m'baa wawo.”

2 MALAGHO GHA NGELO 1:10

Idana nineke hikima na kumanya eri nidime kuwibonyera nguma; kwa kukaia nani udimagha kuwibonyera nguma awandu wako wiko wengi huwu?”

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

MITALO 27:17

uo uchaakaia ukiwilongoza; eri wandu wa BWANA wisechekaia sa ng'ondi risewadie mlisha.”

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 18:13

Kwa huwo Sauli ukamfunya kwake, na kummbika ukaie m'baa aighu ya majeshi gha wandu, elfu imweri; Daudi ukakaia ukiwilongoza wandu;

1 SAMUELI 18:16

Ela wandu wa Israeli na Juda wikamkunda Daudi, angu orewilongozagha nicha.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 25:30

Hata ingelo BWANA uchaakubonyera oho bwana wapo agho mecha ghose orekulaghirieghe, na kukubonya kukaie kilongozi aighu ya Israeli,

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”