2 SAMUELI 5:19 - Biblia Ilagho Jiboie Kwa Wandu Wose

¹⁹ Daudi ukamlomba BWANA. “Welee, nijoke nilo na Wafilisti? Kuwingira mikonunyi kwapo?” BWANA ukamtumbulia Daudi, “Joka, angu kwa loli nichawingira Wafilisti mikonunyi kwako.”

2 SAMUELI 5:19 ပူးပေါင်းရင်းမြစ်များ

2 SAMUELI 2:1

Nyuma ya agho Daudi ukamkotia BWANA, “Nijoke nikaie andenyi ya ghumu ghwa mizi ya Juda?” BWANA ukaghamba, “Joka.” Daudi ukakotia, “Nijoka muzi ghuao?” BWANA ukaghamba, “Muzi ghwa Hebroni.”

2 SAMUELI 5:23

Hata iji Daudi oremlombieghe BWANA ukamtumbulia, “Kusejoke; ela kuwimare chia ya nanyuma, kuwijokie na iyo chia ilangayagha miforosadinyi.

1 WAZURI 22:6

Nao Ahabu ukawikwanya walodi chiaimweri, sa wandu maghana ana, ukawizera, “Mmbona wada, nijoke Ramoth-Gileadi kulwa wuda angu nisejoke?” Walodi wikamzera, “Joka, kwa kukaia BWANA uchakuneka wusimi.”

MAKATANISHO 3:6

Kum'bonye BWANA uwoneke kwa chia rako rose, nao uchakughenja nicha.

JAKOBO 4:15

Kumangu mwaghora huwu, “Bwana ukakunda, dichakaia moyo, nesi dichabonya wusiku na wusiku.”

WATANYI 20:28

na Finehasi mwana wa Eleazari, wawae Haruni nuo orekoghe ukiidumikia matuku agho,) wikighamba, “Dijoke sena kulwa na wanidu Wabenjamini angu dileke?” BWANA ukaghamba, “Jokenyi angu kesho nichawifunya mikonunyi konyu.”

1 SAMUELI 22:15

Welee, idime niko jachakaia indo ja imbiri kulomba njama ya Mlungu kwa wundu ghwake? Ii hata, mzuri kuseniwikirie malagho ini mdumiki wako, hata wadumiki wako wa kinyumba cha aba; kwa kukaia ini siichi ilagho jingi ibaa angu itini ja agho malagho kwaghora.”

1 SAMUELI 23:2

Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:4

Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.