2 SAMUELI 5:10 - Biblia Ilagho Jiboie Kwa Wandu Wose

¹⁰ Daudi ukachurikia na kuwuya mundu m'baa, kwa kukaia BWANA Mlungu wa majeshi orekoghe andwamweri nao.

2 SAMUELI 5:10 ပူးပေါင်းရင်းမြစ်များ

KUZOYA 21:22

Ngelo iyo, Abimeleki na Fikoli, m'baa wa majeshi ghake, wikamzera Abrahamu, “Mlungu oko andwamweri na oho kwa maza rose kuribonyagha;

2 SAMUELI 3:1

Wuda aghadi ya majeshi gha kinyumba cha Sauli, na kinyumba cha Daudi ghoredwaeghe matuku mengi. Daudi ukachurikia ndighi, ingelo kinyumba cha Sauli cherekoghe chikichurikia khusilwa ni ndighi.

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

2 SAMUELI 8:14

Ukaagha ngome andenyi ya isanga jose ja Edomu. Waedomu wose wikawuya wadumiki wa Daudi; na BWANA ukamneka Daudi wusimi andu uko kose oreghendieghe.

2 SAMUELI 8:6

Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 24:10

Uo Mzuri wa wubaa nani? BWANA wa majeshi nuo Mzuri wa wubaa.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

HAGAI 2:4

Ela idana mndungi onyu usefo ngolo. Bonyenyi kazi, angu ini nekwanye chiaimweri nenyo.

LUKA 2:52

Jesu ukachurikia hikima na kuzoghua, ukikundwa ni Mlungu na wandu.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

1 SAMUELI 18:12

Sauli ukamuobua Daudi, kwa kukaia BWANA orekoghe andwamweri na Daudi na kumsigha uo.

1 SAMUELI 18:14

ukabonya nicha kwa kula ilagho orekoghe ukijibonya; kwa kukaia BWANA orekoghe andwamweri nao.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.