2 SAMUELI 4:8 - Biblia Ilagho Jiboie Kwa Wandu Wose

⁸ wikachireda chija chongo kwa Daudi aja Hebroni, wikamzera mzuri, “Chongo cha Ishboshethi mwana wa Sauli uja m'maiza wako orekoghe ukikulola ukubwaghe hechi; BWANA walipia kisasi idime iji cha bwana wapo mzuri aighu ya Sauli na kivalwa chake.”

2 SAMUELI 4:8 ပူးပေါင်းရင်းမြစ်များ

2 SAMUELI 18:19

Nao Ahimaazi mwana wa Zadoku ukaghamba, “Lekenyi nikimbie nimghorie mzuri malagho, umanye kukaia Mlungu wameria kumkira na wamaiza wake.”

2 SAMUELI 18:31

Nao Mkushi ukabusa; ukaghamba, “Nareda malagho mecha kwa bwana wapo mzuri! Angu idime BWANA wakukira nandighi ra awo wose werekuwusiragha aighu yako.”

2 SAMUELI 2:8

Abneri mwana wa Neri, m'baa wa majeshi gha Sauli, oremdwaeghe mwana wa Sauli Ishboshethi ukamreda aja Mahanaimu,

2 SAMUELI 22:48

uo ni Mlungu unilipiagha kisasi chapo, na kuwika mbari ra wandu aisi yapo;

ZABURI 71:24

Nichaja malagho gha mabonyo ghako, ghwa hachi dime dii; angu awo werekoghe wikilola kunibonya kiwiwi, wamerie kunonelwa ishima, na kufushwa waya.

MATHAYO 2:20

ukamzera, “Wuka kummbwade mwana na mae, kuwuye isanga ja Israeli, angu awo werekundieghe kum'bwagha mwana wamerie kufwa.”

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

1 SAMUELI 18:11

Nao Sauli ukajikumba ifumu jake ukighesha, “Nichamkwanya Daudi na wurigha.” Ela Daudi ukajiepa mando awi.

1 SAMUELI 19:1

Nao Sauli ukaghora na mwana wake Jonathani chiaimweri na wabaa wake kukaia, wim'bwaghe Daudi. Ela Jonathani orekoghe ukiboilwa ni Daudi loli-loli.

1 SAMUELI 19:15

Niko Sauli ukaduma wandu wiendemzighana Daudi, na kumreda kwa Sauli uko wulinyi, upate kum'bwagha.

1 SAMUELI 20:1

Nao Daudi ukakimbia kufuma Naiothi aja Rama, ukacha kwa Jonathani ukamzera, “Welee, nabonyere wada? Wuwiwi ghwapo niki? Ni kaung'aki nibonyere kwa ndeyo hata ukunde kunibwagha?”

1 SAMUELI 23:15

Daudi ukawona kukaia Sauli waawuyalola kum'bwagha. Daudi ukakaia kireti cha Zifu aja Horeshi.

1 SAMUELI 24:4

Nao wandu wa Daudi wikamzera, “Ola idime niko BWANA wakatisha ilaghiro jake aighu ya wamaiza wako seji orekuzerieghe, ‘Nichakuneka wamaiza wako, na oho kuchawibonya sa iji kukunde.’” Daudi ukawuka mboa, ukadumbua kidambi cha nguwo ya Sauli.

1 SAMUELI 25:29

Wandu wikawuka kulwa na oho, wikikunda kujifunya irangi jako, BWANA uchajivisa irangi jako banana bwana wapo, na oho kuchalindilwa ni BWANA Mlungu wako; na marangi gha wamaiza wako uchaghikumba noko sa kukumbwa na kikuza.